36歲嘅楊怡，同31歲男友羅仲謙，由2011年因拍《On Call 36小時》撻着姊弟戀，轉眼拍拖近四年，兩人近一年來頻傳婚訊。去年12月，有報道指因為楊怡唔想做高齡產婦，故兩人決定今年三月喺泰國結婚，做猴年新娘。之前就傳楊怡同謙謙三月(即係依家)去倫敦訂婚同影婚紗相，楊怡同謙謙回覆本報查詢，未有否認婚訊，仲有「謝謝關心」，話返嚟香港先講，睇嚟好快有好消息!點知真係峰迴路轉，喺楊怡同謙謙回覆後兩個鐘，本報獲得一張兩人3月22號喺位於英國西約克郡嘅利茲普城堡(Leeds Castle)註冊嘅相!原來此行唔止訂婚，而係結埋婚喇!相中楊怡披上低V婚紗，羅仲謙則是一身白馬王子look，見證人分別是楊怡的母親，及應是羅仲謙的父親。相片攝於禮成之後，羅太左手握著丈夫，右手握著母親，頭稍稍傾向謙謙那方。而謙謙則挺直條腰影相，似乎有點緊張。Leeds Castle係英國最古老的城堡，座落於英國南部Maidstone附近，至今已有逾900年歷史，不少準新人都愛到這裡影結婚相，或者舉行婚禮。如果要包起古堡舉行婚禮，需約15,000英鎊(約需16萬港元)；過夜都仲得，每位客人只需付300英鎊(約$3,300港元)。而古堡裡最出名是迷宮Maze，建於1987年，以2,400棵紫松樹種植而成；入到去不辨東南西北，令人流連忘返0架。恭喜恭喜！恭喜羅生羅太！
|
鍾意就快D Share啦！
|
|
|
