網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月14日 星期四

試揸的士搵食 甄詠珊:多勞多得! [壹週刊 - 1362] __,甄詠珊,M1,

娛樂偵訊試揸的士搵食 甄詠珊:多勞多得!前女子組合Freeze成員甄詠珊10年離隊轉投亞視,更拆彈由Dcup還原Bcup。之後傳出婚訊,但臨門撻Q的她,日前卻被發現揸的士,素顏開工入型入格,由導彈變身的士司機的甄詠珊坦言,揸車搵食,多勞多得!撞車留陰影最近甄詠珊以歌手身份再戰娛圈錄歌出碟,又遠赴韓國接受跳舞唱歌訓練兼客串劇集,還有將公演的舞台劇《借用下一世的男朋友》,幾路出發。上星期,剛由韓國集訓 ...


娛樂偵訊

試揸的士搵食 甄詠珊:多勞多得!

前女子組合 Freeze成員甄詠珊 10年離隊轉投亞視,更拆彈由 D cup還原 B cup。之後傳出婚訊,但臨門撻 Q的她,日前卻被發現揸的士,素顏開工入型入格,由導彈變身的士司機的甄詠珊坦言,揸車搵食,多勞多得!

撞車留陰影

最近甄詠珊以歌手身份再戰娛圈錄歌出碟,又遠赴韓國接受跳舞唱歌訓練兼客串劇集,還有將公演的舞台劇《借用下一世的男朋友》,幾路出發。

上星期,剛由韓國集訓返港的甄詠珊,出現觀塘碼頭,著住一身便服的她,在碼頭附近跟一名中年男子在的士旁密密斟;之後更打開車頭蓋研究。

兩人傾了約十分鐘,之後甄詠珊便坐上司機位,校好後鏡開車走人。當時的士冚了旗,並冇準備載客。

「其實自從前年佢喺交通燈位俾人撞,到而家都有陰影,每次見到由黃燈變紅燈,成個人會怯一怯,更加唔可以揸得快。」知情者說。

日前,一身開工衫的甄詠珊,被拍到跟中年男人在的士車頭密斟研究。

開車後,她以龜速駛到郵輪碼頭。

在郵輪碼頭落車,她轉做乘客坐車出旺角。

揸完的士,甄詠珊去旺角睇中醫,她木無表情等睇症。

全程龜速

一四年撞過車留有陰影的她,當日揸住冚旗的士全程龜速,由觀塘碼頭到啟德郵輪碼頭短短路程,足足花了十五分鐘,極之安全。

到達郵輪碼頭後,甄詠珊落車同中年男子調換位置,做乘客直出旺角睇中醫。

對於是否轉行揸的士,甄詠珊未有否認,「揸的士唔差呀!最緊要服務態度好,多勞多得。(咁究竟係咪轉行呢?)總之有新搞作再話你哋知。」

在無綫做節目期間,她也有大騷 D級胸,但 12年已經拆彈。

07年組成的 Freeze, 11年拆夥後各自發展。石詠莉(中)近年成發燒碟天后,而陳樂榣(右)則已嫁人做人妻。

14年男友送給她一部 Audi車,不過唔夠幾個月就撞爛,二人亦於去年分手。

近日,她又為舞台劇《借用下一世的男朋友》彩排。

離隊後,她(圓圈)在已執笠的亞視做過不少節目,不過唔係好多人睇過。

的士族

娛圈有藝人間唔中就會話自己撈唔掂,要走去揸的士,但十居其九都係得個講字,例如方大同和出身無綫的陳凱怡,就係其中代表。

方大同

去年 6月,方大同揸的士載客的一段短片被放上網,隨即引來網民關注,指做歌手收入少要揸的士幫補,其後方大同被踢爆揸的士攞靈感,兼為演唱會《音樂很窮》造勢。

陳凱怡

前大台陳凱怡(改名陳思齊)在公司一直坐冷板櫈,試過因為做唔夠騷,被要求還半年騷錢外,又被高層揶揄叫她揸夜更的士幫補生計,不過陳凱怡話自己唔識路,唔會做到的士司機。

撰文、攝影、攝錄:娛樂組


鍾意就快D Share啦!