田蕊妮提母親離世即眼濕濕。
藝人田蕊妮在將軍澳電視廣播城出席無綫新劇《來自喵喵星的妳》拜神儀式。問飾演「喵星人」的她有否為演出而參考愛貓Momo的生活動態？她笑住回答：「我真係有搵老師去學貓嘅神態，就係Momo，佢都教得我好勤力，同佢都溝通好好，佢覺得我係佢同類。」
靠開工投入另一世界
談及早前喪母，問心情是否已經平伏？她變得強顏歡笑說：「唉……係呀！」之後更熱淚盈眶，差點忍不住哭出來，十數秒後情緒稍作平伏，她斷斷續續地說：「當然要時間去畀自己慢慢適應，開工好好，畀我投入另一個世界。因為係笑片，雖然未知觀眾睇完會唔會開心，但我演完會識笑。係要接受嘅，但要啲時間。」
問會否與老拍檔胡定欣再演「神同步」？她心情開始穩定下來說：「上次我哋每場戲都一齊，但今次冇咁多，唔係每場都係。但係會有另一啲嘢，都幾破格。」
來源 source: http://hk.on.cc
|
鍾意就快D Share啦！
|
|
|