全城熱捧《太陽》《矛盾》 ViuTV搶攤成功無綫收視跌
【電視執位】
千呼萬喚，ViuTV免費電視99台前日強勢開台，觀眾終於等到睇電視「有得揀」的日子。本報收到可靠消息，根據無綫一直沿用的A.C. Nielsen收視統計方式，昨日率先披露前晚ViuTV和無綫晚上黃金時段的收視。ViuTV熱爆韓劇《太陽的後裔》和緊接的鎮台之寶《跟住矛盾去旅行》收視均達8點，無綫同時段的劇集和節目，收視均告下跌，最高流失超過31萬人次。
電視變天，4月1日亞視熄機，無綫繼續食老本，令新崛起的ViuTV備受注目。前日ViuTV正式開台撼無綫，據ViuTV昨日公佈的收視結果，由晚上7時半至深夜12時半，平均收視約5點（約32萬人次），晚上8時半播出的大熱韓劇《太陽的後裔》，以逾8點（約52萬人次收看）收視成ViuTV開台最高收視節目，鎮台之寶《跟住矛盾去旅行》緊接在10時播出，最高收視亦近8點。
■宋仲基、宋慧喬主演的大熱韓劇《太陽的後裔》，前晚成為ViuTV首播日最高收視劇集。互聯網圖片
■《跟住矛盾去旅行》前晚首集由長毛（左）火併曾鈺成，收視叫好。網上截圖
■ViuTV前日舉行壠播禮，財政司司長曾俊華（右）和商務及經濟發展局局長蘇錦樑（左）任主禮嘉賓。
■前晚ViuTV網站出現「大塞車」。
音音鬧夢夢禽獸而據可靠消息指無綫沿用的A.C. Nielsen收視統計方式，同時段無綫黃金檔兩線劇《末代御醫》和《EU超時任務》收視應聲下跌。8時半的《末代》由大前晚24.7點（約161萬人次）收視跌至前晚的20點（約130萬人次），約流失31萬人次。9時半的《EU》也由大前晚的24點（約155萬人次），跌至前晚的21.5點（約139萬人次），境況堪虞！至於撞正《矛盾》時段的《Do姐有問題》，收視也同樣告急，由大前晚的20.6點（約134萬人次）跌到16.7點（約108萬人次），流失26萬人次。
有能力搶走Do姐節目收視的《跟住矛盾去旅行》，前晚首集以長毛火併曾鈺成作矛盾的開始，未播已話題性十足，不過前晚首半小時節目是預告，播出不同旅行拍檔的精華片段，後半小時主要集中長毛和曾鈺成的訪問和出發前的準備，一心想看二人舌劍唇槍的網民，看後都紛紛在討論區指節目沉悶又搵笨，不過又有網民指看完預告，表示最想看的拍檔是邵音音大戰戴夢夢，預告片中音音鬧夢夢禽獸。
抱歉「跟住死機」 ViuTV前晚首播日雖然搶灘成功，但不少習慣上網看節目的觀眾，均指難以登入網頁，晚上黃金時段約9時後更出現網絡大塞車，至晚上10時半螢幕仍顯示「抱歉，太多人睇，請稍後再試。」而透過手機應用程式看直播的亦偶有訊號不穩。對此ViuTV在facebook官方網頁留言表示：「網站流量其實都好矛盾，無人又驚多人又死，終於《跟住矛盾去死機》……令大家失望我哋深感抱歉，亦多謝大家嘅包容同支持，我哋會努力改善，提供最優質嘅產品畀大家選擇。」
採訪：謝盈
獨大不再：網友開心有得揀ViuTV前晚首播，鎮台的《跟住矛盾去旅行》果然響頭炮，最高收視接近8點，約52萬人次收看，成功搶灘，網友都熱烈表態。
Kin Man Chan：CCTVB唔好氣餒，繼續努力，向零的突破進發。
普拉斯：佢（ViuTV）得一個台太少，分唔到類，焗住乜都塞晒落去。
bauliu：希望Viu會爭氣，等我哋多個選擇。
YoYo Lau：有線開埋台，王維基再開埋就perfect池，香港政府欠王維基同所有香港市民一個免費電視牌！
Sum Sum：《矛盾》真係好X好睇！一定繼續追！加油！
|
鍾意就快D Share啦！
|
|
|