網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月22日 星期五

險遭強暴 出櫃何韻詩芬蘭午夜冰海逃亡 __,何韻詩,

阿詩呢單嘢,真係夠晒曲折離奇。現年三十八歲嘅何韻詩四年前宣布出櫃,多年來亦愛以中性形象示人,不過咁並唔代表佢冇魅力!人到中年嘅何韻詩,之前因為去咗歐洲幫電視台拍真人騷節目,佢就順個靚便自己一個孭住背囊喺北歐流浪,仲分別去咗芬蘭、丹麥、瑞典、挪威等等嘅地方。fb自揭事件阿詩今次「流浪」之旅,仲專登放低歌手身分,唔住酒店住民宿,點知就係因為咁出咗事!話說當阿詩去到最後一站芬蘭嘅時候,竟然遇到鹹濕屋主, ...


阿詩呢單嘢,真係夠晒曲折離奇。

現年三十八歲嘅何韻詩四年前宣布出櫃,多年來亦愛以中性形象示人,不過咁並唔代表佢冇魅力!人到中年嘅何韻詩,之前因為去咗歐洲幫電視台拍真人騷節目,佢就順個靚便自己一個孭住背囊喺北歐流浪,仲分別去咗芬蘭、丹麥、瑞典、挪威等等嘅地方。

fb自揭事件

阿詩今次「流浪」之旅,仲專登放低歌手身分,唔住酒店住民宿,點知就係因為咁出咗事!話說當阿詩去到最後一站芬蘭嘅時候,竟然遇到鹹濕屋主,差啲畀人強姦。而阿詩亦都有喺fb講述事件,佢話:「但到芬蘭rovaniemi竟然上演入住恐怖公寓遇上鹹濕屋主要上演午夜冰海逃亡。」另外,佢仲話今次嘅旅程勁黑仔,除咗上述事件,又一直失聲、仲要畀偷埋銀包,真係屋漏兼逢連夜雨。

盛傳提親件事都喊

而自從阿詩公開咗呢個「鹹濕屋主」事件之後,就傳出多個版本,話佢畀飲醉酒嘅民宿男主人強暴,扯爛衫之餘仲要連bra都飛埋出嚟,而情急之下,阿詩都識得擸袋擒窗走人,焗住半夜三更喺雪地逃亡。嘩!如果係真,真係仲驚險過恐怖片嘅情節。聽講,阿詩到依家都仲驚魂未定,次次提親件事都會爆喊。

避談細節

由於事件愈傳愈誇張同恐怖,《東網》梗係第一時間求證阿詩啦,佢就話:「呢啲虛構嘅情節,我唔回應喇,嗰個版本作得太誇張,並沒有施暴及半裸逃亡,我係好機智咁用自己方法逃離間屋。」不過當追問到佢當日嘅細節嘅時候,例如到底點甩身時,佢就大賣關子話:「遲啲先講!」喂!感覺上有啲蹺蹊喎。

高皓正:佢太天真

藝人高皓正與何韻詩同行拍攝旅遊節目,有指阿詩在拍畢節目後獨自去流浪遇上色狼,高皓正表示知情,昨日他受訪時說:「佢出事時一直有同我Whatsapp聯絡,我梗係緊張同擔心,不過佢同我哋講嗰陣已經係安全。」問他知否有關細節?他說:「係naive(天真)同勇敢囉,都係有先兆嘅,入屋見到好多酒樽,以為芬蘭人鍾意飲酒,以為冇問題。」

他又指阿詩外表剛強,其實內心比「啫喱糖」更軟,指她因事件「驚到傻」又全程直擊事件給劇組知,他搞笑地說:「佢自己都唔太知佢係一個靚女,芬蘭人都對佢有興趣!」


來源 source: http://hk.on.cc
鍾意就快D Share啦!