賈思樂表示四日前先同羅明珠見過面，更指對方當時與平時一樣。
賈思樂因為與羅明珠有不少共同朋友，兩人近年經常在友儕飯局中碰面，對於羅明珠離世，賈思樂接受《東網》訪問時，直言四日前才跟對方見面，賈思樂表示：「當時佢仲好似平時一樣，好開心，嘻嘻哈哈咁，所以，今日突然收到呢個消息，我係非常震驚，人生實在太脆弱啦。」賈思樂直言最後一次見到對方，對方還很高興跟友儕間說笑，更指自己減肥瘦了十多磅，他謂：「佢同人講佢瘦咗，我唔知佢用乜嘢方法減肥，如果真係心臟病離開，唔知同呢樣嘢（指減肥）有冇關。」
回憶故友點滴，賈思樂直言最難忘對方「開心果」形象，賈思樂謂：「佢係一個好鐘意熱鬧，亦都經常會帶畀別人歡樂嘅人，你同佢講乜嘢話題，甚至乎政治，佢都有佢方法同你傾一餐，所以，我哋成班朋友都好鐘意同佢一齊。」
來源 source: http://hk.on.cc
|
鍾意就快D Share啦！
|
|
|
