阿倫酒逢知己感觸摯友顯靈
「樂壇校長」譚詠麟（阿倫）去年為慶祝入行40周年獲摯友馬達昌推出兩款紀念紅酒，其中「Golden Label」早前在試酒評分中奪最高分數，阿倫昨日舉行分享會獲群星拱照到賀，當提到摯友去年失救過身時，感觸得眼紅紅，對於限量推出一萬支的「Golden Label」反應熱烈，阿倫笑言是摯友顯靈！
譚詠麟昨日為其冠軍紀念紅酒舉行「譚詠麟與您分甘同味」分享會，獲摯友馬達昌的太太、曾志偉、廖碧兒（Bernice）、伍詠薇、契仔關楚耀、葉童、彭健新、音樂監製Johnny Yim及名人邱子傑夫婦等捧場，星光熠熠，眾人舉杯暢飲，現場放有多支阿倫慶祝入行40周年推出的兩款名為「Alan Tam 40th Anniversary - Golden Label, Rosso Salento 2007」及「Alan Tam 40th Anniversary - Silver Label,Primitivo Puglia」紅酒供賓客任飲，其中「Golden Label」更限量推出一萬支，阿倫特別邀請意大利Rocca酒莊老闆Mr. Matteo Rocca來港參與活動，並獲對方送上一對刻有「Alan Tam」名字的紅酒杯。
覓靚酒種Encore
紀念紅酒是阿倫的中學同學馬達昌負責，對方去年到內地出席酒展時，因應酬太多身體負荷不來致暈倒失救離世，阿倫提起對方時感觸得眼泛淚光，並許下承諾：「希望呢個朋友在天之靈一路睇住呢支紅酒，我唔會浪費佢嘅心血，一定做到最好。」阿倫直認一時感觸才眼紅紅，更感慨說：「好可惜佢今日分享唔到，如果佢今日喺度會好開心。」
對於「Golden Label」早前在一個「明星酒實力大比拼」中獲多位專業評酒家一致好評，得93分排名首位，阿倫笑指是摯友顯靈，他說：「呢支酒有佢嘅實力，其實知佢（馬達昌）遺願係希望呢支酒可以令佢太太下半生舒服啲。（限量一萬支唔夠賣？）都係o架，希望會搵另一啲靚酒種再搞。」
廖碧兒輸得服
提到曾志偉表示身邊太多好友出酒搞到飲唔晒，阿倫即取笑對方酒量：「佢都唔知咩味，佢依家酒量淺到得腳趾尾。」問到身在英國讀書的仔仔譚曉風有否試飲這支紅酒？阿倫說：「佢讀書考緊試，講咩酒。（會否留幾支畀佢將來娶老婆？）好喇，好喇，多謝晒！」而對於無綫派員採訪，身為環球歌手的阿倫說：「唔想再了解，做咗好多次中間人，同舟共濟嘛！」
至於Bernice對於名下「BELLAVIZIO」白酒在「明星酒實力大比拼」中以兩分之差僅次阿倫的紀念紅酒「Golden Label」，她說：「唔會覺得唔抵，都戥佢開心，佢支紅酒都好好飲，好開心大家都鍾意同一類型嘢，會叫佢留番一箱酒畀我，其實我支白酒推出時有請過溫拿飲。」她透露名下有推出紅酒，並說：「白酒同紅酒分開唔同區，我冇乜生意頭腦。」
文：音樂組
攝：唐豁莊、林蔚恩
|
鍾意就快D Share啦！
|
|
|
