陳法拉去咗美國紐約修讀為期四年嘅戲劇碩士課程，依家終於返港，全心投入與黃子華7月公演嘅舞台劇《前度》。冇見咁耐，法拉依然省鏡，笑容仲係咁甜美，而關於法拉嘅是非，亦隨住佢返港復出而全線回歸。今日有周刊報道指，法拉同Neway太子爺薛世恒2013年離異後，曾因為分身家問題鬧得不快。報道指，薛世恒最後分了千萬俾法拉，咁其實，以法拉嘅吸金能力，絕對搵得到有餘，不過之前為咗進修停工，既要應付日常生活開支及照顧雙親，所以法拉都係慳住使，家陣佢返港，就租住半山慧豪閣，租金二萬五蚊起跳。至於法拉喺美國間屋，係法拉雙親當年收到薛世恒一千萬禮金後，以76萬美金購入，係銀主盤，而且購入後房價不升反跌，間屋維修費亦唔平，仲包括地稅、保險、防盜、剪草等等，樣樣都係錢，儼如無底深潭，最後法拉只好忍痛賣出套現。如今法拉復出，幫補收入，又有機會磨練演技，誠屬美事。呢頭有周刊話法拉急撲水，另一周刊報道就指法拉願為今次舞台劇減價演出。究竟邊個版本啱？薛世恒接受周刊訪問時就表明:「唔想回應太多，唔想影響身邊嘅人。」
來源 source: http://hk.apple.nextmedia.com
|
鍾意就快D Share啦！
|
|
|
