38歲嘅李珊珊，近年來絕跡娛圈，鮮有亮相公開場合，觀眾只能從微博及重播的《寵物情緣》先至見到佢。生活低調行蹤神秘的珊珊，雖然多年來一直唔肯喺微博貼近照，亦唔肯透露身在何方，只知係喺香港，閒來鍾意煲劇睇波同放狗，熱血如故，好打不平，經常於微博就社會大小事直抒胸臆，甚至與網民筆戰，巾幗不讓鬚眉。不過，今日卻有讀者報料，稱李珊珊生腦瘤，且由已婚人夫管接管送去中環覆診。《蘋果》即致電李珊珊求證，她哈哈大笑幾聲，然後說說：「唔係玩到咁大件事，莫明其妙！」那可是身在中環？她就謂﹕「唔係啦，佢(報料人)開心就好，自己應該冇得罪人。」至於報料者聲稱有婦之夫陪她看醫生，珊珊表示：「私人事，我唔回應喇。」李珊珊自06年與錢嘉樂分手後，曾傳復合，後來男方與湯盈盈結婚，珊珊則多次被拍得與已婚賽車大亨馬漢華過從甚密，但對於感情生活，珊珊多年來一直不肯回應。至於會否復出拍劇？珊珊今日就表示﹕「有人搵就做，冇人搵就抖吓啦。」對於羅明珠突然離世，佢話﹕「好耐之前有見過面，都好突然。」
來源 source: http://hk.apple.nextmedia.com
|
鍾意就快D Share啦！
|
|
|
