53歲鄭敬基（Joe）今日在香港補搞婚禮迎娶比自己細19年嘅圈外女友Angie，而Joe亦學黎明咁喺社交網直播，不過Joe就係直播接新娘實況。
片段開始錢嘉樂率領的兄弟團到新娘屋企，例牌姊妹團唔開門，有人話：「咁走。」等開門期間嘉樂又不停搞爛gag，他見Joe手上的鮮花球，又說：「一朵鮮花插在…靚花樽。」Joe再次多謝兄弟時，嘉樂繼續說：「又講呢啲嘢。」
搬埋耶穌上枱
Joe又解釋叫兄弟團唔好敲門，因為新娘房內有新娘子的愛犬，一敲就會吠，之後Joe再按門鐘，眾人又商量開門利是金額，最終姊妹開門，嘉樂即刻同姊妹展開牙骹戰，期間嘉樂又話轉投幫姊妹團，姊妹接到306元利是後嫌唔夠誠意，Joe又「搬主上枱」問姊妹是否教徒，更有兄弟朗誦聖經，兄弟添加512元，即共828元，兄弟又再誦聖經欲打動姊妹，Joe指新娘好愛主，望姊妹放行，最後添加至1,825元，加上新郎哥表示給契仔（狗仔）的一封利是，成功闖關！
錢嘉樂變節
入門後兄弟團接受玩新郎遊戲，Joe戴上米奇老鼠耳仔等頭飾蒙眼行石春路，被眾兄弟抬起的Joe則要食吊在半空的提子，而錢嘉樂就「變節」加入姊妹團，在旁睇戲食花生，最離譜是他竟然「手指拗出唔拗入」禁止Joe用手拿提子食。
新娘讚Joe唱得幾好
第二個遊戲則是學女團跳舞，因Joe不諳舞蹈，明知獻醜，但仍頂硬上，姊妹團見誠意十足讓他過關。而最後一關Joe在新娘房門口唱「多啦A夢二次創作版」發表「愛的宣言」，但有人嫌他走音，他自動自覺單膝跪地清唱多一次「加強版」，在旁的嘉樂則笑謂：「你咬字好啲。」否則就乘機講粗口，最後Joe跪地送上花球，Angie在親人陪伴下走出房間，兩人情深一吻，成功抱得美人歸，事後問到新娘Joe表現如何？她說：「都算唔錯啦，佢唱得好好㗎啦。」
|
鍾意就快D Share啦！
|
|
|