李逸朗話請個助理，佢屋企有兩座山！
陳淑蘭主持ViuTv節目《晚吹-總有一隻喺左近》今集邀得李逸朗（Don）及餐廳老闆娘Crystal擔任嘉賓，主題圍繞「充大頭」。Don透露早年往內地拍戲時，自己曾有眼不識泰山：「請咗個助理，佢話畀我聽佢屋企有兩座山喺深圳，佢𡃁仔嚟咋喎。。。我同佢講以後我撈唔掂會去投靠佢，希望佢畀塊田我耕，點知隔咗幾年後有年春節去搵佢，發現佢屋企原來真係有兩座山！」
Don又指當年與張智霖拍戲遇上一名臨時演員，對方日薪只得35元人民幣，想不到最終他成為Don拍第一套戲的投資者，認真真人不露相！而陳淑蘭則未有開名爆料，指圈中出名「食女王」：「佢去人哋啲貴價餐廳，話自己喺網上有專欄，結果同人熟咗，就同其他人講間餐廳係自己嘅，於是氹到人畀錢佢入股，對方後尾發現真相，佢驚畀人揭開真面目惟有還錢啦。佢用差唔多手法去識女仔，仲衰到鍾意𡁻完唱，真係唔要得。」
來源 source: http://hk.on.cc
|
鍾意就快D Share啦！
|
|
|