烙印（左圖右）接波嗰陣整親手，佢好直接咁話：「因為啲男仔傳波好大力！」
組合SIS樂印姊妹雙雙出戰「Panasonic學界籃球邀請賽2016」，不過就只有妹妹駱胤鳴（烙印）落場打波仲拎咗6分，相對比較文靜嘅家姐駱胤樺（樂樺）就只係喺場外做啦啦隊。烙印表示讀書時期有打校隊，亦都有參加學屆，不過已經有一段時間冇打正式比賽：「之前都有參加TVB嘅Hero，不過我哋女仔好少，好難夾到時間練同埋打。」烙印又大讚同隊的鄧穎芝好打得。
鍾意睇女仔打波
講到烙印在接波時弄傷手，烙印直言：「啲男仔傳波好大力！」而家姐樂樺見到就即刻衝前為烙印捽手，樂樺謂：「我怕佢對手彈唔到結他啊，我由中學開始已經好鍾意睇阿妹打籃球，我鍾意睇女仔打波多啲。」
揀男友唔使高大
問到樂樺擇偶條件是否要打籃球，又高的男仔？她笑言：「最好又識打籃球又識音樂，我哋兩姊姊都好矮，如果走失咗會搵唔番，高度離開咗人哋視線水平，最好係同我哋差唔多高就夠。」
來源 source: http://hk.on.cc
|
鍾意就快D Share啦！
|
|
|