羅霖份人夠晒硬淨，又識得保護自己，值得學習。
藝人羅霖出席慈善活動，該慈善機構主要幫助受虐婦女及小朋友，作為活動大使的她，自爆早前被一名男士不禮貌對待。她說：「我發現有男人真係好衰，我嗰日帶細仔睇戲，我遲咗15分鐘，去到我哋個位畀人坐咗，我請嗰位先生讓番個位畀我。佢用手示意叫我去後面，仲用英文粗口鬧我，大概係話我全家同話我賤人。我個仔好愕然同驚，我同佢講唔使驚，等媽媽嚟。我之後就開咗手機嘅電筒照住個男人，請佢返番自己個位，因為我買咗嗰個位嘅飛，我覺得佢好羞恥，蝦女人同小朋友。佢話係我遲到，我同佢講遲到都冇關係。佢仲作狀想打我，不過我唔驚同唔退縮，佢又坐番低。大概照咗佢三分鐘之後，戲院嘅人都開始鼓躁，有工作人員嚟調停，個男人都坐番去前面。」她表示事後有教導兒子遇到同類事情不用怕，要據理力爭，但都要視乎環境，若在橫街窄巷便不要爭論，但若在公眾場所，即使被打亦有其他人做証。
「真正嘅男人唔會蝦女人」
她表示女性要保護自己，自己亦是首次被人當眾用英文辱罵，其實自己當時很驚，但不反抗對方會「變本加厲」。她認為真正的男人不會欺負女人，應該頂天立地，坦言看不起該男人。提到曾經歷家暴的她，是否因為曾遇過暴力男，故可以處變不驚？她說：「我經歷過一次，不過唔關有冇經歷過事，我無論咩情況都會企出嚟據理力爭。就算喺主題樂園排隊畀人打尖，畀五個大人話我一個，我會叫工作人員嚟，即使蝕底，我都唔會退縮，因為要保護我嘅小朋友。啱嘅話就要企硬，我要身教，如果唔係我嘅小朋友將來會好怕事。」
來源 source: http://hk.on.cc
|
鍾意就快D Share啦！
|
|
|