從事IT行業的男士早已成為「宅」、「毒」的代名詞，早前港女心目中港男職業排行榜中，banker高踞第四，IT「榮獲」尾二！本在銀行界出身的許家駿（Lawrence），為理想竟「降呢」做IT，他在一次幫客處理客戶管理系統期間，他發現香港美容行業預約系統相當落後，決定着手專攻該市場。最後他由「IT男」化身「暖男」，研發美容院app狂冧一班IT零蛋港女老闆使用！畢業後Lawrence即加入渣打（2888）衍生工具部，負責計算窩輪及牛熊證發行價格，與前新聞主播「小飛俠」林燕玲做同事。做了幾年見部門前景一般，轉到工程公司做項目主任，上年見寫app風氣日盛，Lawrence決定自立門戶幫客寫app。為了節省開支，Lawrence除了邀請渣打舊同事鄒卓君（Burton）過檔入股，更要求正攻讀博士的弟弟許家來（Roy）退學幫手！三位IT男要面對一班不諳手機操作，又不肯認低威的「中女」、「剩女」顧客。但app推出一個月即有十間用戶肯付款，受到港女垂青，到底他們如何「氹掂」一眾美容院老闆娘？我點sell 美容院時間表俾你慢慢揀平時沉默寡言，喜歡對着一堆程式的Lawrence，一談起app就十分雀躍，「依家女士book美容院做facial，好多時都係打電話，最多都只係上網，市面上仲未有隻app可以做到預約，我覺得係一個商機！」Lawrence在一次跟客戶溝通後，發現不少小型美容院「預約系統」只有電話，但又不願花太多錢開設一個專屬app，所以着手研究市場，最終研發出「MARK Beauty」，「WhatsApp好間接，又要度時間，我哋就諗，如果可以將成間美容院嘅時間表開放，等客人可以直接揀，如果改嘅話美容院又唔使再mark時間，咁就會方便好多。Lawrence又指，以往美容院想聯絡舊客戶，多用電話方式，但常被客人拒接，「除咗預約時間之外，呢個app仲可以等商戶在手機派優惠券，好多人都好憎cold call，呢個形式宣傳客人接受程度就高得多，愈多客人加入，就可以令個app下載量上升。」毒男力sell 中女嗒糖少接觸中年女性的Lawrence，卻深知她們很容易「受氹」，「其實好多女士都好鍾意用智能手機，但啲後生都唔肯教佢哋！以前做銀行一就一、二就二，依家就要賣晒口乖，佢啱就要讚吓。」他指「中女」沒有想像中那麼難相處，「每個月幾百蚊，派一次傳單都唔止啦，佢哋都好清楚，所以sell嗰時無想像中咁難。」Lawrence在銀行工作期間都需要見外國客「秒秒鐘幾廿萬上落」，現時「降呢」力sell主婦客，收入又比以前少，但他坦言值得，「依家工時長，搵得又少咗，但係你見做出嚟嘅嘢係有人用，幫到佢哋，個成功感比以前大好多！」他更指因工作關係，令自己接觸年輕女性的機會大增，「都試過俾阿姐問有無女朋友，使唔使介紹番個。」採訪：梁延宇
攝錄：廖健昌 鄭樹清
|
鍾意就快D Share啦！
|
|
|