大家有冇咩心水呢？貪心啲揀兩個都得㗎喎！
去年網上流傳一段潮文《每個男人心裏面都有一個黃翠如》，以洪永城嘅角度描述與黃翠如之間「友達以上，戀人未滿」嘅關係，令唔少網友產生共鳴，加上翠如BB性格開朗，個樣又甜美，難怪成為宅男心目中嘅女神！近日翠如BB喺全新飲料廣告中清新亮相，以多個唔同造型示人，非常吸睛！正所謂「每個人心裏面都有一個黃翠如」，唔知你哋又最like邊個「如」呢？唔少網民大讚廣告概念有趣之餘，當然仲大讚翠如BB「好正」、「好Cute」，仲識趣咁話「每一個如我都咁鍾意」！
網民一致好評
廣告一開始，以宅女造型上陣嘅翠如BB紮住「噴水池辮」食薯片，仲抱住隻可愛嘅小狗，宅得嚟萌到爆，有網民反而focus咗喺隻小狗度，仲留言想知小狗嘅名，估唔到竟然搶咗翠如BB鏡！不過唔緊要，翠如BB飲咗啖嘢之後，爆發人格分裂症，分裂出四個唔同人格，包括仙氣look、學生妹look、烈女look同埋主播look，最後仙氣look同主播look成功突圍而出最多人欣賞！網民就話「仙氣如」清新靚女，而主播「長氣如」嘅「死唔斷氣」報道新聞模式夠晒亮眼，大讚翠如好叻女：「對白咁長都講得好順，仲好似讀急口令咁」、「佢應該NG好多次」，但據現場工作人員透露，翠如BB拍咗唔夠10 take就收得工，認真犀利呀！
網民有話兒：
Axxx Lxx：你讀果（嗰）段咁長的對白...硬係覺得你會忍唔到笑咗到底NG左（咗）幾多次
XX穎：個廣告好得喎！ 印象深刻！
Taxxx Wxxg：淘氣如好可爱，仙氣如好靚，學生如好cute，覇氣如好型，主播如好勁！
Txxxxi xxng：咁堅秋既（嘅）...
Rxx Txxx：百變翠如，正
來源 source: http://hk.on.cc
|
鍾意就快D Share啦！
|
|
|