市況不明，零售業進入「寒冬」(新聞連結： http://bit.ly/1TtnsSQ)，大小品牌都出盡法寶做生意。法國名牌Hermès一年一度的大減價，今早10點在金鐘五星級港麗酒店舉行一連兩日嘅促銷，Hermès過去幾年都有搞，去年半價，今年內部傳出7折，但現場大部分都半價，吸引到約二百市民排隊。據在場保安稱排頭位嘅市民於早上6點已經到場，由於現場人數眾多，人龍在酒店中打晒「蛇餅」，更排到去太古廣場，因此要分時段進場，平均要排至少一個鐘才入到場。今次減價活動冇港女及闊太喜歡嘅Hermès手袋賣，主要賣衫、首飾及鞋等，現場有不少白領、OL排隊，記者在等待入場時，見到身穿casual wear嘅香港行政會議召集人林煥光及太太袁轉好都有嚟，本來想去排隊，不過見到咁多人，便向在場嘅保安問吓要排幾耐之類，後來兩公婆都放棄咗冇入去，由於今日天雨關係，更有市民係著住涼鞋排隊。另外，Prada副線miumiu今個星期六開始做折扣優惠，記者到店舖查詢，店員表示部分貨品係半價出售，但新貨不在減價之列；美國品牌COACH分店就由上周日(15號)起，減價促銷，指定貨品減至最低六折，買一個手袋加一件貨品即額外再有9折，買滿9,500元就額外有85折。
來源 source: http://hk.apple.nextmedia.com
|
鍾意就快D Share啦！
|
|
|