4月同場
今年四月，林作帶埋女友麥明詩，跟被指是「新女」，查實是同學的 Victoria齊齊現身 Dior活動，既然一早識，又使乜抄牌。
探熱針
麥明詩一早識 林作「新女」係牛津大狀
劍橋畢業的十優港姐麥明詩，曾被拍拖兩年的大狀男友林作形容為完美。但無論如何完美，林作都「失守」！女友返深圳拍戲，林作即被指作反，凌晨在銅鑼灣街頭向低胸索女抄牌；事後遭麥明詩拒聽電話的林作，大呼寃枉！
據了解，林作「新女」叫 Victoria，同是牛津高才生。有樣有學識仲要係同學仔，林作對她確實另眼相看，常在 fb留言冧對方。
不過，氹番麥明詩是當下首要任務，林作甚至開到口：「幫吓手呼籲，叫佢打俾我。」咁有心，林作大狀上訴得直，應該唔難。
Like爆 Victoria
被指作反的林作，強調自己冇亂抄牌，澄清「新女」是留學時認識的朋友，連女友麥明詩亦認識對方。
林作表面證供成立，事關在他的 fb早已發現與「新女」有多張合照，甚至在 Dior活動與麥明詩及「新女」三人同場。
據了解，這位被稱為林作「新女」的舊友叫余穎洋（ Victoria），跟林作同是牛律畢業生，去年就任終審法院司法助理，現為大狀，與林作同聲同氣。
不過冇抄牌並不等於冇感覺！有指林作對氣質跟女友相近的 Victoria甚有好感，只要對方在 fb post相，林作都有反應，不時俾 like。
有次 Victoria放了張著住白裙的外遊相，口甜舌滑的林作即留言：「 I can't stare at this profit pic a moment longer because I fear I might fall in love with you….oh too late.（我不敢再緊盯這張相多一刻，因為我怕我會愛上你……噢，太遲了！）」把口咁得，林作不愧為大狀。
唔鍾意俾人影到
男友對 Victoria口花花，仲要斷正被影到，女友麥明詩打翻醋埕，正常！
曾表示與女友失聯的林作，被問到是否對 Victoria有好感，他斬釘截鐵說：「我唔係一直鍾意 Victoria，又唔係咁誇張，朋友啫！ Louisa（麥明詩）都識嘅。（點解女友會咁嬲？）我諗唔係嬲，係佢真係好忙，未有心機同我傾吓呢單嘢，未知佢心情係點，所以我依家唔肯定佢係咪好嬲，又未必係！我好肯定佢唔係好滿意我俾人有機會咁樣影咗。（佢接你電話未？）呀……暫時係冇嘅，但我都冇點打俾佢，希望幫吓手呼籲吓，叫佢打俾我。」
嘲男友社交能力好
見林作來電拒接，但麥明詩就接聽記者電話。
有關林作疑對 Victoria有好感，她支吾以對。
「吓，唔知呀！不過佢（林作）一向都比較社交能力好，好多朋友，咁我都識個女仔嘅！（你係咪好介意呢件事？）唔……我依家要拍嘢，遲啲再講。」之後麥明詩便匆匆掛線。
撰文、攝影、攝錄：娛樂組
|
鍾意就快D Share啦！
|
|
|