裕美一日之間成為全城焦點，突傳婚變，與圈外人丈夫林恩浩(Jason)於2013年12月結婚，昨日驚爆因為性格不合，正辦離婚。周刊驚爆裕美疑搭上吳若希緋聞舊愛黃子恆，傳出婚外情疑雲。裕美接受《蘋果》訪問時，自爆去年已經同老公辦離婚：「其實我同佢分開咗，唔係一個短時間，係上年分開。」但Jason的教友及好朋友都齊聲指有人背夫另結新歡在先，有人更tag埋裕美與Jason的fb，不點名指有人「自己話需要調節心情離家出走半年，居都未分，走去其他男人屋企住，咁就可以離到婚？(略)你老公同其他教友包容你唔出聲，唔想爆你醜聞等你飯碗都無，唔代表你可以亂講嘢同無人知。」、「你去到咁，我唔X你我都唔係人啦。你唔使兜喇，慳啲啦。」亦有讀者報料指，Jason仍然想同裕美喺番埋一齊，盡量爭取時間挽留女方；但裕美未同Jason辦妥離婚手續，但就向傳媒稱已回復單身，令不少教友憤怒之餘，更為Jason不值。晚上8時許，裕美在ig拍片回應指控，她先寫道:「冷靜一日後，在這裡跟大家交代我的情況，由決定自己重新一個生活開始就知道要適應各種困難，但我必須繼續努力工作和照顧媽媽，多謝關心和支持！從此以後我會專心工作，不再回應感情問題。」片中裕美一臉憔悴，身穿白色緊身衫，化了淡妝，十指光脫脫已無婚戒。裕美聲線低沉，似是哭過。她說:「我係裕美，知道大家都好擔心我嘅近況，喺呢一度回應大家，我回應完之後我唔再作任何嘅回應㗎喇。喺2014年嘅年底呢，我同Jason佢發生咗一啲唔愉快嘅事，所以我哋就(有淚意)…關係破裂(垂首，沉默數秒)咁樣我哋都有去…去…去挽救呢件事，去搵一啲婚後輔導員，牧師啦，導師啦去傾，亦都嘗試努力去挽救呢段感情，但係都……」但係點…冇人知，因為ig有時間限制，sharp cut。過咗近四十分鐘，裕美才up第二條ig片，接住上文說:「但係盡咗力都…都唔得，都唔能夠work out。(深呼吸)但一直以嚟我都冇乜點同人講呢件事嘅，因為我驚……(開始有淚意)啲人好…好…好擔心(玩手指)，尤其是我嘅媽媽啦(哽咽)，因為…因為我媽媽好錫我，我一直都係唔夠膽同佢講嘅。「喺呢段日子裡面我好多謝Kimmy、Grace(深呼吸，透大氣)、陳明恩啦、謝文雅等等好多朋友，同埋我教練啦，我知道好多人都擔心我depress，因為我有depress嘅經歷，所以當有事發生嘅時候，大家都好擔心我，我都好多謝我教練，喺嗰段時間去同我傾.....」條片又斷咗。終於，有第三條片：「喺嗰段時間去同我傾，去照顧我，喺嗰段時間去……二話3不說咁去……去……去幫助我嘅。(深呼吸，不斷透大氣)咁er…其實(拍一下手，合十)，我無論今次呢單新聞呢，係……有乜嘢迴響，乜都好，希望關心我嘅朋友唔需要再擔心，我會好好再生活落去，我亦都希望唔好傷害到身邊一啲嘅……屋企人、朋友，咁所以……係喇，事件就交代完喇，我同Jason亦分開咗一段日子，所以係喇，大家都唔使擔心我喇，Thank You.」點解唔用fb live呢？
|
鍾意就快D Share啦！
|
|
|