掃呢頁CODE去手機

2016年6月4日 星期六

【性在有情】張兆輝陳敏之床上過招! __,性在有情,張兆輝,陳敏之,

劇集《性在有情》將於6月4日起在myTVSUPER獨家優先點播!由張兆輝、陳敏之、江美儀、阮兆祥等主演的myTVSUPER網絡電視劇《性在有情》,將於6月4日起於myTVSUPER獨家優先點播,連續四個周六、每周六一連上架5集,全劇共20集,讓劇迷追得更過癮!新劇以喜劇手法探討被視為禁忌的閨房問題,話題引人入「性」,監製文偉鴻大讚一班演員拍親密戲沒有尷尬,談到安排由張兆輝及陳敏之擔演,他說:「因為 ...


劇集《性在有情》將於6月4日起在myTV SUPER獨家優先點播!

由張兆輝、陳敏之、江美儀、阮兆祥等主演的myTV SUPER網絡電視劇《性在有情》,將於6月4日起於myTV SUPER獨家優先點播,連續四個周六、每周六一連上架5集,全劇共20集,讓劇迷追得更過癮!新劇以喜劇手法探討被視為禁忌的閨房問題,話題引人入「性」,監製文偉鴻大讚一班演員拍親密戲沒有尷尬,談到安排由張兆輝及陳敏之擔演,他說:「因為輝哥形象好健康,加上有演技,出位題材佢都Carry到。」

「精兵」冇仗打 謝晒

張兆輝與陳敏之在劇中分別飾演性社工及性治療師,但二人的專業知識與長輩的傳統觀念產生衝突,令由拍拖到結婚生B過程充滿阻滯,張兆輝透露劇中因為妻子懷孕而無從發洩,鬧出不少笑話:「啲長輩會話有咗唔搞得,會動胎氣,要分房瞓!咁我儲埋太多就發夢變『精武大將軍』,仲要分飾埋嗰堆『精兵』,個個冇得打仗,謝晒!」擅演正氣角色的張兆輝,坦言首次挑戰活潑角色,又笑言個性因此變開朗,問太太有否發現?他笑說:「咁又冇,返到去就攰喇!( 唔係諗生多個?)唔敢喇,留畀敏之生我依家好滿足現狀。」

拍檔陳敏之自言個性傳統,今次演性喜劇對她來說是大挑戰:「不嬲都怕講性話題,啲朋友講鹹濕故事都叫佢哋唔好講核突嘢,今次要演醫生,『陰莖』等男性器官名詞都喺鏡頭前講過晒,仲會講床上招式!當我知要拍,就搵性治療師傾偈,佢哋好溫柔,有教好多性知識,甚至教埋點樣去搵女性G點,但拍完太耐唔記得」問如何與張兆輝化解尷尬?她說:「請佢食嘢囉!因為佢鍾意食嘢,佢都偏內向,自認係熱情啲,要盡快撻着佢入戲,拍親熱戲就唔尷尬。」她坦言學會不少性知識, 會否與老公學以致用? 她說:「太學術性嘅嘢老公會有壓力,自己知道咗係有幫助嘅,我遷就佢囉!(有同朋友研究?)會同女性朋友研究吓點樣會舒服囉。」

為告白脫體毛 勁痛

至於未婚男女阮兆祥與江美儀,在劇中成為歡喜冤家,沉迷韓劇的美儀裝扮猶如「千頌伊」,夢想與完美Oppa結為連理,怎料珍惜多年的「寶物」卻被麻甩男阮兆祥奪去!祥仔在劇中飾賣胸圍小販,自言有過人能力可以一眼睇穿女士上圍size,更有旺盛賀爾蒙,導致他體毛茂盛兼性慾高漲。談到胸前的濃密體毛,祥仔說:「諗番起都痛,黐毛黐咗兩個幾月,心口損晒,胸前兩點都變咗粉紅色!」

二人撻着後沉溺性事,到處翻雲覆雨,問會否回味與美儀的親熱戲?祥仔坦言過程有笑有淚:「好瘋狂,好多場都係笑中有淚,為咗向佢告白用脫毛膠紙脫毛,命根嚟㗎!挑戰緊我演技極限,今年我會衝擊男配角。」談到與祥仔演親熱戲,美儀笑說:「佢啲體毛太勁,我個嘴畀佢啲鬍鬚拮足兩個月都損晒!」她又笑言要祥仔體諒對手:「有一場戲要除佢褲,叫咗佢打定底,費事連面帶底咁除咗,佢竟然話冇所謂,我有所謂囉!」


來源 source: http://hk.on.cc
鍾意就快D Share啦!