網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年6月29日 星期三

梁嘉琪唔妥張秀文割席! 張秀文,梁嘉琪

穿低胸裝化身「冒險女神」的張秀文寸爆反擊梁嘉琪。
梁嘉琪唔妥張秀文割席!無綫資訊節目《學是學非》六位是非精看似非常老友,但其實相處日久摩擦多多,最近有傳張秀文因維護湯洛雯而跟梁嘉琪反面!昨日嘉琪出席活動,講到秀文的緋聞即時「嚟料」,退後兩步稱兩人只是同事關係不算Friend,擺明要跟對方割席!秀文得悉此事亦暗寸:「佢個人好安全嘅,不嬲怕死!」穿低胸裝化身「冒險女神」的張秀文寸爆反擊梁嘉琪。女人多自然是非多?無綫資訊節目《學是學非》於2013年開始 ...


梁嘉琪唔妥張秀文割席!

無綫資訊節目《學是學非》六位是非精看似非常老友,但其實相處日久摩擦多多,最近有傳張秀文因維護湯洛雯而跟梁嘉琪反面!昨日嘉琪出席活動,講到秀文的緋聞即時「嚟料」,退後兩步稱兩人只是同事關係不算Friend,擺明要跟對方割席!秀文得悉此事亦暗寸:「佢個人好安全嘅,不嬲怕死!」

女人多自然是非多?無綫資訊節目《學是學非》於2013年開始時由三位「是非精」梁嘉琪、李佳芯及黃心穎擔大旗,其後加入麥美恩(Mayanne),到2014年底再加入張秀文(Sammi)及湯洛雯(Roxanne),六女鏡頭前經常出口互寸,似是為增加節目趣味,但其實暗藏爭出鏡、爭排位、爭對白、爭服裝,相處得耐倍添摩擦。最近有傳嘉琪不滿Roxanne轉數慢、口才欠佳而杯葛她,Sammi為維護Roxanne而跟嘉琪不和!

「同事嚟o架咋」

近日Sammi被拍到與緋聞男友兼前經理人Victor約會掃貨,男方更攬她一下,疑似拍拖。昨日嘉琪、Roxanne及Mayanne出席戒煙活動時,講到Sammi的緋聞,嘉琪突然劃清界線,退後兩步並指着Roxanne、Mayanne說:「你哋兩個Friend啲喎!」Roxanne即笑問:「你唔Friend咩?」嘉琪繼續發功,擰頭笑說:「同事嚟o架咋!」Mayanne忍不住問:「你割席呀?」嘉琪笑而不語,按着心口回應:「我都想知(Sammi係咪拍拖)。」並指着Roxanne說:「佢有冇我都唔知」最後再加一腳:「總之佢(Sammi)開心就得」至於Roxanne及Mayanne亦表示不知Sammi戀情是否屬實。

(左起):麥美恩、湯洛雯、梁嘉琪<br>梁嘉琪聲稱與張秀文只是同事。
  • (左起):麥美恩、湯洛雯、梁嘉琪

    梁嘉琪聲稱與張秀文只是同事。
(左起):麥美恩、黃心穎、李佳芯、梁嘉琪、張秀文、湯洛雯<br>《學是學非》六位是非精睇落好老友,但友情早已藏暗湧。
  • (左起):麥美恩、黃心穎、李佳芯、梁嘉琪、張秀文、湯洛雯

    《學是學非》六位是非精睇落好老友,但友情早已藏暗湧。

對於嘉琪連番暗寸兼割席,Sammi昨日在電話中表現愕然,並說:「佢話同我唔熟,咪唔使答囉!佢個人好安全嘅,不嬲怕死!(你哋不和?)我對佢冇嘢,佢有冇嘢我就唔知。(佢嫌棄Roxanne轉數慢?)應該唔會啩,咁呢個係Roxanne特色,有時佢嘅反應好得意,個節目咪好睇囉!」

感情Dry到裂

而Sammi昨日到會展出席《香港動漫電玩節2016》記者會,身穿紅色低胸裝化身「冒險女神」騷34D身材,上衣更跌跌吓危危乎!講到與Victor的緋聞,Sammi解釋只是好友,但全程笑晒,言談間似留有發展空間:「佢做我經理人咁多年,清楚咩適合我,當時我不斷講嘢,佢嫌我長氣,就嚇我話信唔信喺銅鑼灣最多人嘅地方攬我,結果疊一疊嗰下真係被人影咗,我已經推開佢o架喇!(Victor追你?)唔係,好Friend啫!(有冇發展機會?)Er……冇傾過喎!我又唔係唔拍拖唔得,但大家咁關注我哋,係有啲壓力,依家唔敢出街,我就嚟Dry到裂,已經冇咩異性朋友。(就算拍拖都未必認?)要睇埋對方,如果係圈中人就好啲。(Victor係咪你杯茶?)我不嬲唔係睇樣、睇地位,係要心靈伴侶。(佢爭啲咩?)佢做朋友係perfect,但拍拖可能個人又唔同,我比較慢熱,要再了解,唔係咁易認定一個人。」問到今夏會否接泳衣騷?Sammi稱檔期尚未配合到:「都要緣分,睇吓公司同客戶傾成點。」

文:影視組

採:音樂組


鍾意就快D Share啦!