「條Burberry係我嘅！繡咗我個名，你用嚟送俾第二個女人？」呢啲咁《溏心風暴》式嘅災難劇情，現實中由自認好多女朋友嘅陳冠希——女友秦舒培真人上演。前夫（定老公？）、華誼兄弟時尚文化傳媒董事總經理趙磊，今日凌晨喺微信圈向朋友出po廣傳，鬧爆秦舒培俾綠帽佢戴，又義正辭嚴謂「難道為了保護一個曾經的感情，而傷害朋友家人和父母？讓無道德底線一對人可以變得肆無忌憚？更想問一聲甚麼時候出軌，變成一個光明正大？」秦舒培今午兩點幾同陳冠希一齊現身時，一直未有回應，反而陳生就好激動，推撞記者。及後秦於微博出po澄清一下謂同趙磊早已經簽署由困男方律師擬好嘅離婚協議書，「我不明白為甚麼他要這樣不負責任的傷害我。雖夫妻緣盡，也祝趙先生一切都好。」至晚上八時左右，秦舒培再發功，喺微博貼咗多張美女晒名牌圖，唔知情仲以為係model影product shots。秦舒培寫道:「麻煩你在發聲明之前讓你女朋友把穿我的衣服和拿我的包包拍照的微博全刪了，怪不得東西一直都不願意還給我。大家猜這些照片都是誰拍的？ps：我和趙先生在去年已經協議離婚了！」秦舒培形容的「女朋友」，就係圖中呢個狂晒名牌、網名叫做「Lisa大額頭」嘅女子。唔好講其他，單單係繡上SP(舒培)縮寫嘅Burberry頸巾，冇理由係「Lisa大額頭」啩？咁「Lisa大額頭」係做啲咩嘅呢？去佢微博一睇，自我介紹係「以愛之名、施露人間；隨處播撒、隨處開花；望及之地、果甜花香；銘愛於心、美不勝收。」唔知講乜。再睇埋「Lisa大額頭」微博，果然有嗰幾張秦舒培貼出嚟嘅晒命相，相中「Lisa大額頭」將Chanel、miu miu、Dior等名牌舖晒喺地毯，好細心咁分別舖成「5」「2」「0」然後佢好enjoy咁瞓喺旁邊宣示主權同晒命。要留意番，「Lisa大額頭」收禮當日係520，5月20日；另一重點係，有指相中地點，係趙磊屋企。如果一切屬實，即係話人出軌嗰個，都疑似帶女伴返家，向之送上曾贈予前妻的禮物(可能秦舒培決離婚後唔要俾番晒佢)。小二，嚟多兩斤花生！
|
鍾意就快D Share啦！
|
|
|