37歲陳敏之陀仔4個月
現年37歲的索腿天后陳敏之，昨日透過互聯網宣佈陀仔！敏之前晚在將軍澳錄影節目時已見肚凸凸，她昨日在電話中開心透露懷孕4個多月，BB將於明年1月擇日剖腹出世，但否認是「贏在射精前」的結晶品：「有咗真係可以做皇后，好多人錫，其實乜月份生冇所謂，係好自然嘅事，講真，中都好難得。」
【前晚】
■昨日宣佈陀仔4個多月的陳敏之，前晚在將軍澳做節目時，雙手不經意遮住微隆腹部。
陳敏之前年10月與拍拖10年的圈外男友雷偉信（William）於峇里白色小教堂行禮。婚後不足兩年，索腿天后在今年3月已露口風要積極造人，她昨日下午3時許分別在Instagram和facebook宣佈有喜，相中身穿露肩鬆身衫的敏之雙手摸肚，向天微笑，一臉感恩之情，她以英文留言分享榮升為人母的喜悅：「BB是個祝福！多謝主從天堂賜予我們這美好的禮物，讓我們去珍惜及愛護一位珍貴的小王子。」不少網民都留言送祝福，據知，敏之日前剪短頭髮時，已忍不住跟身邊人透露自己快做媽媽。
「係神畀我哋嘅禮物」
昨日本報致電敏之講恭喜，她開心謂：「原來有咗真係可以做皇后，好多人錫，（老公）唔使送禮物嘞，最重要有愛同正能量。我哋一家人都好開心，覺得係神畀我哋嘅禮物，想咗好耐，都係順其自然，因為我哋都好忙。」原來選擇在7月1日宣佈這件喜事是有原因，敏之解釋說：「我同老公都想趁7月1日放假日子宣佈，加上今日係伍姑娘（伍詠薇）結婚17周年，喺我哋家族叫雙喜臨門，因為都係喜事。」伍姑娘是敏之的契家姐，敏之囝囝將來會叫伍姑娘做大姨媽，敏之哈哈笑說：「佢鬧我呀，叫我個仔唔可以叫佢做大姨媽，成塊姨媽巾咁核突，話要叫佢做Auntie Five，但佢真係我個仔嘅大姨媽，哈哈！」
【昨日】
■敏之昨日在社交網貼側身凸肚相，BB預產期為明年1月。
■敏之昨午以英文宣佈陀仔，更指BB是個祝福，感謝神賜予珍貴的小王子。
敏之透露預產期是明年1月，被指完全符合最近潮語「贏在射精前」和「贏在子宮裏」的時間表，因名校幼稚園喜歡收1月至3月出生的小朋友，但敏之否認BB是苦心製造，她說：「會擇日開刀，但冇計呢啲，其實乜月份生冇所謂，只係咁啱，好自然嘅，講真，中都好難得，仲計乜鬼。我冇啲人咁勁，計完即刻做邊度得㗎，邊有得控制，呢啲嘢係個天畀你，真係隨緣。」
隨囝囝性格揀學校敏之表示會隨着小朋友性格揀學校，她說：「我唔會因為我鍾意就要囝囝讀嗰間，我係比較民主嘅！」懷孕初期，敏之試過有害喜徵兆，她說：「初時都有啲食慾不振、作嘔同眼瞓，仲瘦過未陀BB之前，不過𠵱家穩定咗，已經可以食番嘢，但醫生都話唔好過肥。」敏之表示暫時不會停工待產，前晚與森美一齊主持《Sunday好戲王》，下周一會如期做節目。
採訪：嵐山
■敏之與William前年在峇里結婚，她當時將老公樣貌保密。資料圖片
■一向喜歡小朋友的敏之，終得償所願，與老公William一索得男。互聯網圖片
|
鍾意就快D Share啦！
|
|
|