有「搞事四人幫」之稱嘅壹傳媒黎智英(漢奸黎)、民主黨創黨主席李柱銘(李漢奸)、前政務司司長陳方安生(民主阿婆)及天主教香港教區前主教陳日君，幾乎每年都會參加民陣舉辦嘅七一遊行，實行有水齊齊抽。不過，近日漢奸黎被示威者踩上門狙擊，上星期已搭飛機離港，民主阿婆今日(7月1日)亦唔見影，而陳日君又入咗醫院，得番李漢奸一個苟延殘喘。其實今年七一遊行已換來一班爛仔格嘅激進派接棒，「搞事四人幫」真係可以收得檔喇！
過往七一遊行，「搞事四人幫」都會齊齊現身抽水，但今日就只有李漢奸現身維園起步點。無他嘅，漢奸黎近日受到對佢不滿嘅霸王集團員工及股民、民間團體及市民狙擊，日日踩上佢位於何文田嘅大宅及將軍澳壹傳媒大樓示威，搞到漢奸黎頻頻坐艇出海避風頭，上周五(24日)佢仲漏夜搭飛機走人，至今音信全無，莫非連七一遊行都唔敢現身？
至於每逢遊行都係有頭威、冇尾陣，曾經被發現遊行行到一半就離隊去咗飲果汁、恤頭髮嘅民主阿婆，今年就索性玩失蹤。唔知係咪因為由佢成立、漢奸黎有份資助嘅議政平台「香港2020」要「縮人兼縮皮」，搞到佢冇心情去遊行，就連髮都慳番費事恤呢？亦可能民主阿婆政治能量早已耗盡，就算去遊行都無人會騷佢。
而前兩年都有參加遊行嘅陳日君，今日亦都冇現身，只在社交網站上載一幅佢留院嘅照片，叫大家代替佢去遊行。最終「搞事四人幫」變成一缺三，得番李漢奸一個演呢場獨腳戲，最後佢行到金鐘遊行終點站，幫手籌咗一陣款，就喺花旗銀行大廈上咗車走人。
其實前年佔領行動過後，主張勇武抗爭、愈激愈出位嘅後生仔淨係掟磚、衝出馬路都已經搶晒溫和泛民嘅風頭，喺維園唱下歌、散下步嘅遊行集會活動，對佢哋嚟講已經過晒時，淨係識得遊行抽水兼吹水嘅「搞事四人幫」仲點會有位企吖，去到遊行都被人嫌阻碇，如今提早收檔都係好事，李漢奸係咪都應該跟大隊摺埋就算呢？
※更多政經猛料、秘聞，請關注政Whats噏fb：
https://goo.gl/ndFQNz
|
鍾意就快D Share啦！
|
|
|