網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月21日 星期四

棄 9萬月薪 史丹福碩士砌錶月賺 10萬 [壹週刊 - 1376 - 財經] __,M1,

Quinn輕描淡寫說當初他辭職創業,在家中激起矛盾,全因父母反對他放棄月薪九萬元的好工。壹盤生意棄9萬月薪 史丹福碩士砌錶月賺10萬訂造手機殼、上衣的本地品牌Casetify、Snaptee,生意遍布全球。去年尾廿八歲的黎鈞國(Quinn)照辦煮碗,與三個拍檔合夥,將設計平台放在日本機械錶上,創立Eoniq,半年間facebook與Instagram專頁中已經有超過十四萬like,月賺十萬元。生意 ...


Quinn輕描淡寫說當初他辭職創業,在家中激起矛盾,全因父母反對他放棄月薪九萬元的好工。

壹盤生意

棄 9萬月薪 史丹福碩士砌錶月賺 10萬

訂造手機殼、上衣的本地品牌 Casetify、 Snaptee,生意遍布全球。去年尾廿八歲的黎鈞國( Quinn)照辦煮碗,與三個拍檔合夥,將設計平台放在日本機械錶上,創立 Eoniq,半年間 facebook與 Instagram專頁中已經有超過十四萬 like,月賺十萬元。生意有成績,父母理應感安慰,但在他家人眼中卻是:「你唔為自己諗,都為下一代諗!做生意好大風險。」辭職創業的念頭,在家中激起千重浪,全因他之前月入九萬元。

從網頁中設計的每個配件,都會化成現實,送到客人手中。

Quinn會考後到海外升學,於史丹福大學機械工程碩士畢業後,先後於「顧問界的高盛」 McKinsey中任職顧問、跨國個人電腦生產商 HP中任產品經理,月薪九萬元,亦有大好前途,「我當時個直屬上司高我五級,中間有好多位俾我升,而且七年間做得好,一般可以跳出去做 VP(副總裁)。」薪高糧準,前途一片光明,父母難免極力反對他辭職,對他說:「咁辛苦栽培你,拮据嘅情況下都花幾百萬,送你去美國讀書,有學歷、有好工,你走去創業,咁係浪費晒我哋嘅心血!」但他堅持將他的興趣化成事業。往日花錢買錶拆,今日砌錶賣。客人在網上頁面選擇錶殼的顏色、錶面款式、錶面圖案、指針粗幼等項目。他每天重複將錶肉放入錶殼,再放入刻上客人設計的錶面,裝上時分秒針,最後蓋上玻璃罩。

三招 facebook宣傳

公司內一個小角落,有打光板、專業的相機,務求放上 facebook、 Instagram的相夠靚,能夠吸睛。

一個新品牌,賣二百多美元一隻錶,並且能夠每月賣近三百隻,成功在於 Quinn識玩社交媒體。至今半年間, facebook與 Instagram兩個社交媒體均有十四萬 followers,最初他什麼方法都用,「 follow其他品牌嘅 follower、送錶俾KOL(網絡紅人),不過大牌子成本低,派十隻返一隻都有賺,我哋做唔到。」

試過不同方法,還是賣廣告生意增長快,很多網店指 facebook賣廣告成效逐漸減低, Quinn直指:「只係香港社交媒體 marketing太廢,我搵過幾間公司,差唔多要我教番佢哋做。」 Quinn有三大策略玩 facebook。

第一:唔好 hard sell。「你目標係要俾好嘢人睇,多人睇自然有人買嘢,唔好不停叫人買錶。 post內容夠唔夠好,你睇吓幾多人 tag朋友就知。」

第二:文青風。「返完工咁辛苦,都係想輕鬆吓。隻錶大特寫好悶,我發現最吸引人睇,係在錶旁邊加杯咖啡,背景白雪雪,有時加啲乾花,感覺好 lifestyle。」

第三: tag得夠細。「同樣係年輕情侶、未來一個月周年紀念或者生日、有上亞馬遜網購,分別 tag鍾意錶同手作嘢,結果可以好唔同。你好難估邊個會有反應,要 tag細啲,多試不同 tag。」

成功吸 like之餘,亦吸到金, Quinn說他每月都用十多萬賣廣告,「因為有成效,平均用三十蚊美金,就有一個人買錶。」現時生意兩成香港,八成海外,而其中大部分是東南亞國家。成功俘虜他們, Quinn認為是他擊中當地人的消費習慣,「我有朋友喺印尼,佢話大部分富起來嘅人,因為經歷過貧窮,心底裡覺得要節儉,所以比較少買貴嘢,但其實佢哋買買吓中價貨都使唔少錢。」

用日本錶減退貨

幾個員工將各個錶的部分放入錶殼,其間要測試錶的準繩度、進行除塵等工作,一日最多可以組合出三、四十隻錶。

Quinn自中學開始拆錶研究,拆過百多隻錶,再重新組合。他運用以前拆錶的經驗,分別拆開日本與大陸錶肉仔細研究,外表較平凡的日本錶肉,在防震方面贏九條街,「大陸嘢一跌,個軸就彎甚至斷。日本錶肉唔單止軸唔彎,佢個齒輪鬆鬆哋,我用手郁佢都識彈番轉頭,一般震盪唔會影響到時間。」

因 Quinn貪平買過一批大陸錶肉,大部分送出去都「打回頭」,「大陸錶肉一百蚊,日本起碼二百。大陸錶肉平得嚟打磨又靚,好多客都唔揀日本貨,要大陸貨。但原來得個樣,一跌就壞。」他測試過兩批錶肉,用泡泡膠紙包着錶掉到地上,結果唔使講都知,「大陸貨跌一兩次就壞,日本貨我用力掉,錶帶螺絲都斷埋都無事。」

轉用日本貨後,「打回頭」的次數大減八成,少於一成會退貨。但同日本人做生意一向麻煩,「佢個貨期要九個月先有,我無可能等到,亦估唔到九個月後賣幾多。撞啱近排市道唔好,好多賣錶公司之前買多咗錶肉,依家放番出嚟。」日後零售市道回暖,向賣錶公司買錶肉的成本或會增加。

Custom錶是雙刃劍

作為初創企業, Quinn還有一堆問題要解決,最大特色,亦是最大弊病,是要客人設計,「客人無信心自己設計得靚。」 Quinn眉頭一皺,「唉!因為我哋啲錶千幾蚊,唔似一件衫幾百蚊!如果出嚟唔靚好嘥錢。而且香港人太忙,無時間慢慢設計,所以一般外地訂單設計得比較靚。」創意真的不是每個人都有,所以 Quinn預先設計一批錶面,「對自己有信心嘅,佢可以選由零開始自己設計;無信心嘅,佢可以由四十款設計揀心水款式,再改動成自己鍾意嘅。」

另一困難是要做獨一無二的手錶,等一個月時間, Quinn道出困難並非工序多,「要儲單呀!錶面設計我交俾廠做,但佢唔接太細訂單,所以要等夠單先送去。如果我單量夠大唔使等,一個星期就可以交到貨啦。」

生意上的困難未解決,幸好家人的矛盾已化解,「我送咗隻自己設計嘅錶俾爸爸,佢收到好感動。錢係賺得比以前少,不過佢依家都支持我,間中會同我傾吓生意有咩地方可以改善。」

Eoniq提供各款錶面、錶帶給客人選擇,很多客人會上載其簽名的相片,刻在錶面上。

日本錶肉比大陸錶肉貴一倍多,不過轉用後退貨大減八成。

開業資料( 10/15)

租金 $4,000

入貨、網頁設計 $936,000

儀器 $50,000

雜費 $10,000

總投資 $1,000,000

營業資料( 06/16)

營業額 $500,000

人工*、入貨 $385,000

租金 $15,000

盈利 $100,000

* 7個全職員工

撰文:孫樂祈

攝影:鄭樹清

攝錄:廖健昌

ed_bn@nextdigital.com.hk


鍾意就快D Share啦!