同屬 E cup的陳婉衡骨架細，坐埋陳偉琪身旁即時有比較。
娛樂偵訊
倒奶「胸」襲 E cup陳偉琪太猛犯眾憎
暑假是電影黃金檔，但電視則冇保證，唔想低不見底，大台例必搵班波女胸群而出，死谷！今個月底有《 Big Boy蕩漾暑水禮》打到嚟，囡囡起碼 C cup起跳，人人水著上陣玩遊戲，其中特別大過人的 E奶陳偉琪， 5吋事業線跟身，效果震撼。
陳偉琪四圍夾胸撩人玩，但一眾男主持阿 Bob、梁烈唯就自動彈開，連王梓軒、謝東閔都避之則吉，免得不慎成為鹹豬眼鹹豬手，而一班水著女更嫌她太招搖冇多句，「胸器」太猛，生人勿近。
避之則吉
正午烈日下，大台安排一早已去到南丫島，埋位的《 Big Boy蕩漾暑水禮》的主持阿 Bob（林盛斌）、梁烈唯、陳國峰、王梓軒，以及嘉賓謝東閔、坤哥（吳業坤）、陳婉衡、陳偉琪、陳芷尤、梁麗翹等出到海中心，在一組吹氣裝備上乾煎，等候傳媒前來採訪，卅四度，冇遮冇擋，身邊一班導彈波女，為免惹上鹹豬手之名，二人刻意坐到最遠位置，避同班水著女有身體接觸。
陳偉琪同陳芷尤、陳婉衡、謝東閔是最後一批坐小艇抵達的，陳婉衡同陳芷尤自覺地坐開一邊，唯獨陳偉琪就坐正堆男藝人面前，有意無意夾胸晒五吋事業線，再加突然轉身胸壓，搞到唔想睇又望到正的謝東閔都冇晒符。
挑起水戰
「大唔係罪過，但 Vicky（陳偉琪）成日攞個 body做籌碼，晒心口搏見報，再唔係就黐埋啲 crew度扮 friend，所以之前同佢一齊拍過節目嘅女仔，個個都唔鍾意，睇佢唔順眼！」一名幕後人員透露。
被其他水著女排諸於外，呆曬乾煎的陳偉琪，借意攞起水槍，主動發起水戰，陳國峰算俾面，應酬玩了一陣，其他人則毫無反應，陳偉琪人緣有幾好，一眼見晒！
海中現龍躉
同場個個 C cup起跳，但拍埋大隻又大胸的陳偉琪身邊， C cup的陳芷尤、劉溫馨頓變微波，就算同 cup的陳婉衡，都明顯被比下去。同場唯一可以有得揮的是《一綫娛樂》的主持梁麗翹，但所指的不是事業線，而是巨無霸身形。著粉紅色泳衣本來夠晒搶鏡，可惜下身唔見得人，白色短褲更加換來龍躉。
一眾水著女中，最高招不得不提最近被陳瀅搵自己男友陪食早餐的陳芷尤，個個搏命晒，只有她一個著一件頭，另類突出。
陽光普照三個小時，下午四點，開始落雨，大家在海中心呆等了半小時，都冇停雨跡象，外景隊於是焗住提早收工。
爆乳女神
年僅 25歲的陳偉琪，加拿大卑詩省大學政治系畢業，童顏巨乳的她經常於網上平台上載三點式自拍照，憑住 36E爆乳上位。 11年奪溫哥華華裔小姐亞軍後， 13年回流香港參選港姐，其間被指「種票」，又有「神秘契爺」出現，是非多多仍入到最後五強；入行後，被安排主持節目亦拍過《樓奴》、《實習天使》等劇，但大多是閒角；近年，陳偉琪愛上打籃球，是「 HERO」藝人籃球隊員之一，因為身材出眾，被一眾宅男封為「籃球女神」。
撰文、攝影、攝錄：娛樂組
|
鍾意就快D Share啦！
|
|
|