七人車司機騎劫P牌車至青衣路逃去，警員在場調查。(小圖)姓劉P牌車司機。(梁國雄攝)
熱心「P牌仔」打算落車施援，反遭冷血黑漢挾人挾車！駕「P牌」車的姓劉男子，與友人途經現場，卻經歷被「騎車」驚魂。「佢眼部有流血，我仲以為係傷者要求助。」劉先生稱：「嗰個人身材魁梧，又稱是黑社會，坐喺我朋友身後，我驚佢對我朋友不利，無奈下就範。」劉稱不後悔停車，因為當時只想幫人，希望遇難鐵騎士的家人度過難關。
無辜捲入事件的「P牌」司機姓劉（28歲），任職汽車廣告設計，因工作場所不定，故購車代步。事發時，他放工載著同齡姓黃友人駛經意外現場，赫見發生嚴重車禍，故停車打算落車幫忙，他稱未及落車，只見一男子迎面行來，眼角有受傷流血，「當時以為佢需要我哋幫手」，但男子突然拉開車門，強行坐上後座，且坐在姓黃友人身後，劉和黃均感愕然，一時不知如何對應，但對方揚言是某幫會成員，劉恐對方發圍傷害友人，當時又停在高速公路，遂載他開車駛離。
當車抵達青衣美景花園對開的一個油站外，對方喝令劉停車及跳落車逃走。劉與友人驚魂未定，在開車駛前約200米後在一條倔頭路停車，愈想愈覺得「唔對路」，遂報警求助。劉後來到警署錄取口供，私家車車頭及車尾都有「車cam」，相信可拍下疑犯的容貌及走近私家車時的經過，而車頭cam的記憶卡已警方被取走。對於今次想幫人反而變成受害人，劉稱「當自己唔好彩。」同時「唔驚得咁多」，亦希望警方早日破案。
來源 source: http://hk.on.cc
|
鍾意就快D Share啦！
|
|
|
