探熱針
陳子聰告急入院 10日 超儀冚密肝病內情
現年 43歲的賭王女婿陳子聰，有傳因為肝臟出現問題，導致身體暴瘦但腹部卻嚴重脹起，十日前，更秘密入了港安醫院，至今仍在留院中。
何超儀一直將老公病情封鎖，向外稱只是尿酸爆標小毛病，但由於情況突然轉壞入院，超儀終於批准有限至親好友到醫院探病，並且要求所有人封口，絕不可以對外講及有關陳子聰最新狀況。
腹部異常脹大
與何超儀結婚十三年的陳子聰，過去大半年，幾乎絕跡所有公眾場合；直至今年六月中，本刊發現他身形突然暴瘦，但腹部卻脹大隆起，大得十分誇張，情況異常。
當日，超儀是陪老公去中環睇醫生，唔舒服的陳子聰更加要篤住雨遮，協助行路。
「報導出咗之後，好多朋友都有問超儀子聰究竟乜嘢事，不過超儀就唔係好想講，淨係話冇事冇事，之後有啲更加熟嘅人問，佢就話係尿酸爆標，叫大家唔好擔心。」超儀身邊人說。
近月，陳子聰的病情變得好反覆，十日前開始，更秘密入了港安醫院。
據知，陳子聰並非尿酸爆標如此簡單，有傳是肝臟出了問題，由於情況比較嚴重，所以超儀都有將老公患病入院消息，通知了幾位要好朋友。
好友密密探
連日來，陳奕迅徐濠縈兩公婆、蘇永康等親密好友，只要一有時間，便會到醫院陪住超儀同子聰。
「不過，超儀叫晒身邊嘅人封口，唔好向外洩露老公嘅病情。呢段時間超儀只係專心照顧老公，已經推晒全部工作；因為擔心子聰，佢心情好差，雖然知道大家出於關心，但佢真係唔想咁多人仲打俾佢問長問短，佢冇心機應付呢啲嘢，所以寧願乜都唔講，電話都唔會隨便接。」超儀身邊人說。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|