網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月11日 星期四

致富智庫:做人阿頭 呢7樣堅要有 __,

上集講到「史上5類最令打工仔無奈嘅上司」(錯過咗?唔驚,立即睇番http://bit.ly/2biD7Hr),依家到下集,實情做人阿頭,以下7樣堅要有。喂,做得人上司,如果冇呢7樣嘢,肯定畀下屬柴台。喂,做緊手下嘅,不妨睇睇自己有齊幾多樣?係唔係時候諗上位?============1、言出必行睇嚟好簡單好基本,但最基本嘅嘢往往就最易被人忘記。能有Guts咁真正做到言出必行,手足自然會心悅誠服,先會 ...


上集講到「史上5類最令打工仔無奈嘅上司」(錯過咗?唔驚,立即睇番http://bit.ly/2biD7Hr ),依家到下集,實情做人阿頭,以下7樣堅要有。

喂,做得人上司,如果冇呢7樣嘢,肯定畀下屬柴台。

喂,做緊手下嘅,不妨睇睇自己有齊幾多樣?係唔係時候諗上位?

============

1、言出必行

睇嚟好簡單好基本,但最基本嘅嘢往往就最易被人忘記。能有Guts咁真正做到言出必行,手足自然會心悅誠服,先會齊心去拼。

2、協助手下升呢

時代唔同,依家唔興喺同一地方打死一世工。今時今日,聰明嘅阿頭,係唔會一味掛住確保手下忠心耿耿,反而着眼幫手下喺專業上發展。咁不但留到人才,更贏得尊重。而且,水漲船高,下屬升呢,阿頭同樣升呢。

3、能令手足清楚知要交咩貨

出色嘅阿頭,有能力令啲手足知道佢嘅期望及清楚了解要交咩貨。清晰指令係最基本,但齋靠硬指令屬於低層次,高手係會透過討論,令手足唔覺唔覺就收到Command。

4、鼓勵慎重嘅冒險

最堅嘅上司真正了解「危中有機」,喺佢哋可控風險範圍內,盡量放手畀手下一博。咁不但隨時有意外收穫,亦畀下屬從錯誤中學習,提升團隊處理危機能力。

5、隨時做緊無形Appraisal

做Appraisal係唔少管理層嘅年度大事,但堅有能力嘅阿頭唔會等成年,而係經常同團隊討論檢討工作表現,隨時隨地先掌握住每人嘅能力,知人善任。

6、感染團隊不斷創新

真正有領導能力嘅阿頭,唔單止自己具備企業家目光,仲會感染埋旗下團隊,佢哋會鼓勵手足不斷創新。

7、能清楚闡釋公司發展路向

能清楚向下屬闡釋公司大方向,呢樣好重要,事關下屬作為—個打工仔,未必個個曉得由宏觀角度去考慮,如果基層唔知公司目標,就好難一齊行,損害公司競爭力。

------------

「東網Money18」全新功能「板塊追蹤」,助你分析抓緊投資先機

http://money18.on.cc/info/liveinfo_industry.html

「致富智庫」領悟理財/職場智慧,一Click改變一世

http://money18.on.cc/wealth


來源 source: http://hk.on.cc
鍾意就快D Share啦!