奧斯卡影帝羅素高爾（Russell Crowe）秘密來港，前晚更與影后劉嘉玲飯局大談電影兼交流心得。據知，羅素對劉嘉玲的見解有極高評價，即場邀她合作明年初開拍的一部大型荷里活警匪片。同時，羅素亦對「康城影帝」梁朝偉十分欣賞，望他能同時加入演出來促成這次三人的合作。
秘密來港籌備新片
憑電影《帝國驕雄》勇奪奧斯卡影帝殊榮的荷里活男星羅素高爾秘密來港，籌備明年初開拍的一部荷里活大型警匪片。前晚，更獲名人鄧永鏘邀作客，影后劉嘉玲亦有獲邀出席。席間劉嘉玲與羅素高爾合照並將相片上載到社交網，留言「2 beautiful minds（兩個美麗腦袋）」。據知，晚宴期間劉嘉玲與羅素高爾大談電影兼交流心得，羅素對劉嘉玲的見解和理念相當欣賞，即席邀請她為警匪片演出一個重要角色，並承諾盡快向她提供劇本參考。
力邀梁朝偉加盟
據知，羅素高爾在金像攝影師杜可風的推薦下，對「康城影帝」梁朝偉的電影和地位有更加深厚了解，亦得知他和劉嘉玲是夫婦後，十分希望他亦能演出電影中重要一角。但據知梁朝偉的檔期已排到明年底，但羅素高爾表示若未能成事亦希望偉仔能演出其下一部大型製作電影。
渴望合作
《東網》聯絡上劉嘉玲，她表示：「有同羅素高爾傾電影，我好鍾意佢部《孤星淚》、《帝國驕雄》，佢演技好好，係一個好出色嘅演員。（應邀演出？）各方面配合、劇本又適合的話，絕對樂意同渴望呢個合作，與唔同嘅出色演員合作會產生演技上嘅火花，係一個挑戰，會有所得着。」至於梁朝偉會否接拍，她表示「我相信佢都好期待，但佢個檔期係一個疑問。不過羅素高爾下一個劇本都有興趣搵佢。」
老公指點滑水
另外，劉嘉玲與梁朝偉日前出海Wake Surfing（尾流滑水），並將片段上載到社交網，片段中所見她表現出色，有板有眼，梁朝偉更不時向她提點「呢個位啱嘞」。劉嘉玲表示「同行仲有一位親友同吳廷燁共四人。我第一次玩都覺得有啲天份，可能我滑雪都叫玩得唔錯有關啦，都係好講求平衡力。」
中環開餐顯親民
而昨晚約十一時，羅素高爾則與著名攝影師杜可風及名人鄧永鏘於中環晚膳後離開，羅素甫見記者在場亦表現親民，高舉勝利手勢任影唔嬲，及後還與杜可風頻頻握手，二人更企定定讓記者拍攝合照後，才上車離開。
|
鍾意就快D Share啦！
|
|
|