熱爆娛樂: 9月閃嫁 Joe choy　閃婚張名雅大肚 3寶上身 [壹週刊

2016年8月11日星期四

9月閃嫁 Joe choy　閃婚張名雅大肚 3寶上身 [壹週刊 - 1379] __,Joe choy,張名雅,M1,

娛樂偵訊

9月閃嫁 Joe choy　閃婚張名雅大肚 3寶上身

2012年港姐冠軍張名雅，月初突然宣布跟拍拖只得半年的律師男友蔡錦豪（ Joe）閃婚，盛傳有餡雙喜臨門的她，日前孖住準老公掃減價貨，戴口罩著平底鞋肚凸凸，大熱天披肩不離身，上齊大肚三寶。

一拍即合

張名雅被好姊妹陳庭欣踢爆閃婚後，月初，當事人在微博宣布九月嫁律師男友蔡錦豪（ Joe），今年六月，被拍到與男友在馬會餐廳撐枱腳，當時張名雅已公開承認戀人關係。

「名雅向來事業心都唔重，就算有機會拍劇，都唔似其他女仔咁搏殺。好似拍《城寨英雄》，成班女仔都好緊張咁 keep住，因為啲戲服好窄，大家都食少啲費事上鏡唔好睇，名雅就唔理咁多，開工又間中遊魂，試過要導演開口，叫佢投入啲。」知情者說。

細心 Joe叫定七人 van，唔使張名雅在三十五度高溫下等車咁辛苦。

9月在尖沙咀洲際酒店擺酒，一對新人近日開始派帖俾朋友。

當日 shopping，張名雅全程披肩遮肚。

避落水缺宣傳

目標為本，張名雅入行做娛樂圈，已經釣金龜，年初在蒲場認識 Joe後，一拍即合，更火速融入男友大家庭，深得未來奶奶歡心。

日前，被指有咗餡急嫁的張名雅，孖住未來老公在中環 ifc「濕平」；三十五度高溫，戴住口罩的她竟然出動茄士咩披肩，反常到呢！加埋平底鞋和鬆身上衫，又刻意用披肩遮肚，鬼馬！

張名雅心口有肉，間唔中都會著泳衣派福利。

宣布婚訊當日，二人亦將其中一款婚紗照 po上微博。

Po過大禮相，亦只得上半身出鏡。

宣布婚訊後，張名雅經常放閃，上載合照。

Joe重視家庭樂， fb有不少家庭聚會合照。

未來老婆肚凸凸， Joe唔敢掉以輕心，幾乎全程傍住，離開時裝店前，又 call定七人車接駕，在商場門口企唔夠三分鐘，即可上車走人。

「《城寨英雄》出街後口碑好唔錯，不過名雅只係出咗一次宣傳活動，七月中公司安排喺泳池做宣傳，大家要落水玩遊戲，因為唔想有閃失，佢索性請假唔到；近來佢仲戒埋蒲，朋友叫去玩都 say no，好深閨。」

7月中為無綫宣傳新節目，張名雅俾幾個大隻男捧起，肥咗唔少嘅佢，彩排時刻意著深色衫褲。

冇事業心但有事業線。

張名雅有份拍的《城寨英雄》，近日收視口碑都有不錯成績。

學煮做人妻

據了解，由於明知另一半十分重視家庭生活，每逢週日定必有家庭聚會，更正中無心戀戰的張名雅下懷，加上答應盡快生，令心急抱孫的蔡家兩老，對這個未來新抱勁加分。

「名雅鍾意食好嘢，但對下廚就冇乜興趣，不過同 Joe拍拖後，因為男友得閒會煮吓嘢食，所以佢都會玩煮飯仔；做埋人老婆，更加唔可以乜都唔識，所以早排名雅同朋友傾開，都會叫人教佢煮啲簡單住家餸，仲會返屋企真係試吓整，睇吓得唔得，做定功課。」知情者說。