「這樣開車要慢一點」……慢慢~揸嘅城城郭富城，今晚繼續喺紅館開騷。等咗咁多日，城城嘅28歲女友方媛（Moka）——終於以「新城嫂」身份，去到紅館欣賞城城個唱。上一次呢個進駐紅館嘅「城嫂」，係熊黛林，2013年，佢以城嫂身份入場，同城城嚟個「世紀握手」添！而另一晚，「時任」城城緋聞女友苟芸慧則由樂易玲陪同下入場，花生一地都係……今晚Moka首次入紅館撐城城，幸好有前同門師姐DaDa陳靜同行。唔太識廣東話嘅Moka仲要靠DaDa幫佢做繙譯。只見Moka聽城城唱《就是孫悟空》時睇到好hi，期間城城仲對住佢唱《對你愛不完》！嘩！之前城城開頭場時，記者已經問佢女友會否捧場，當時城城好坦白咁答：「佢之後一定會嚟，佢已經祝福咗，為我打氣，相信佢過幾日做完嘢會飛嚟睇我。」佢又話:「我唔會喺台上求婚，因為我係一個低調嘅人。我喺舞台已經好璀璨，所以生活上平實啲。」好sweet喎！
| 城城女友Moka噚晚終於去咗睇男友個唱！ | | |
| | | |
來源 source: http://hk.apple.nextmedia.com
|
鍾意就快D Share啦！
|
|
|