網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月29日 星期一

伍允龍推情侶Job 孖劉佩玥失百萬 __,劉佩玥,伍允龍,

伍允龍指定劉佩玥着白色衫,梗係想話「因你變耀眼」!
伍允龍推情侶Job孖劉佩玥失百萬熱爆劇《城寨英雄》成功令一眾主角及配角身價急升,當中「龍成虎」伍允龍(Philip)與「柯德莉」劉佩玥一對甚受歡迎,不少公司邀請兩人以情侶檔接Job,奈何Philip要到美國宣傳新片而推辭,令兩人損失合共達七位數字!伍允龍指定劉佩玥着白色衫,梗係想話「因你變耀眼」!熱爆全城的無綫劇《城寨英雄》昨晚大結局,全劇28集可謂高潮迭起,既有催淚感情線亦有精彩打戲。主角陳展鵬 ...


伍允龍推情侶Job 孖劉佩玥失百萬

熱爆劇《城寨英雄》成功令一眾主角及配角身價急升,當中「龍成虎」伍允龍(Philip)與「柯德莉」劉佩玥一對甚受歡迎,不少公司邀請兩人以情侶檔接Job,奈何Philip要到美國宣傳新片而推辭,令兩人損失合共達七位數字!

熱爆全城的無綫劇《城寨英雄》昨晚大結局,全劇28集可謂高潮迭起,既有催淚感情線亦有精彩打戲。主角陳展鵬、胡定欣、袁偉豪、伍允龍、劉佩玥(Moon)及王君馨固然成為熱門搜尋人物,連配角吳家樂、歐瑞偉、林穎彤及李嘉亦人氣大增,帶挈工作量亦增加不少。

當中「龍成虎」Philip與「柯德莉」Moon一對深受網友歡迎,日前「龍成虎」向「柯德莉」求婚當日被殺,喊爆全港觀眾!兩人戲外亦傳出緋聞,被大批網友要求「在一起」,令不少商場及廣告商吼實這對情侶檔,以高價邀請兩人接Job。不過,Philip稍後將要到美國宣傳由他飾演李小龍的電影《Birth of the Dragon》,其後又要拍攝王晶新片,最後無奈推掉情侶檔邀約,令兩人損失合共達七位數字!

冇怪對方:知佢好忙

Philip的經理人公司承認最近不少廣告商找兩人開工:「係多咗好多人搵,但因為有其他工作在身接唔到。(見財化水?)唔可以咁講嘅,啲工作一早接好晒,點都要完成佢。」至於Moon接受電話訪問時表示不知道邀約增加,笑言沒有怪Philip累她賺少咗:「知佢好忙,要一齊出騷就係公司之間傾,今次唔得就下次囉!(少咗搵銀機會?)工作隨緣(叫佢請食飯?)梗係要《城寨》咁收得,仲要佢請多我幾餐添呀!」

袁偉豪恨與王君馨組情侶檔搵銀,肯定財源滾滾。
  • 袁偉豪恨與王君馨組情侶檔搵銀,肯定財源滾滾。

不過,「不愁寂寞」的Moon早前與《一屋老友記》拍檔張彥博(細寶)拍片合唱甚受歡迎,她笑言若Philip太忙,可改為找她與細寶出騷。昨日,Moon出席商場開幕禮時直言想買樓送給父母,問到父母可會想要女婿多過要樓?她說:「佢哋又冇咁講喎!反而媽咪有啲擔心我,想知我係咪真係拍拖,呢啲遲啲先講!」

一班演員食結局飯,點少得幾位「城寨」小花周麗欣(左起)、陳芷尤、譚凱琪與阮兒!
  • 一班演員食結局飯,點少得幾位「城寨」小花周麗欣(左起)、陳芷尤、譚凱琪與阮兒!

問想變真情侶:係呀

昨晚,Philip與Moon出席《城》劇結局飯繼續一副冧樣,Moon自爆是Philip吩咐她穿着白衫,問到兩人感情是否再昇華?兩人即互相推搪,最後Moon說:「係好朋友!拍咗三個幾月,見得最多。」兩人笑言連元秋都以為他們真的拍拖,問Philip有否追Moon?Moon即搶答:「冇喎!(Fans想你哋變真情侶!)係呀!但呢啲唔係拍套劇就突然發生。」講到舊愛鍾嘉欣已生BB女,Philip表示有看過BB相,但不會主動聯絡對方,問到BB是否得意?Moon說:「個個BB都得意㗎」Philip卻說:「咁你有冇睇過我啲BB相?」認真肉麻!至於演出獲激讚的袁偉豪亦承認因劇集多了工作邀請,希望跟王君馨組情侶檔接騷。

文:影視組


鍾意就快D Share啦!