網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月4日 星期四

同陳爽莫可欣鬥短  51歲羅霖啱啱冚過 pat [壹週刊 - 1378] __,莫可欣,羅霖,陳爽,M1,

同你吟一吟同陳爽莫可欣鬥短 51歲羅霖啱啱冚過pat今個熱天,唔只雪人,真係熱到鐵人都溶!出街想感覺涼快啲,惟有著少啲布。要舒服方便又唔想太暴露俾人眼望望,熱褲係不二選!「美魔女」羅霖去shopping、莫可欣湊女放學、陳爽一家幾口去沙灘玩,全部短褲出動。論年紀,羅阿姨最大,但條褲嘅長度,就以佢最短,僅僅遮住patpat!包上露下 涼快一半51歲打到嚟!羅霖凍齡有法,影寫真拍三級片,聽講仲有個細超 ...


同你吟一吟

同陳爽莫可欣鬥短  51歲羅霖啱啱冚過 pat

今個熱天,唔只雪人,真係熱到鐵人都溶!出街想感覺涼快啲,惟有著少啲布。

要舒服方便又唔想太暴露俾人眼望望,熱褲係不二選!「美魔女」羅霖去 shopping、莫可欣湊女放學、陳爽一家幾口去沙灘玩,全部短褲出動。

論年紀,羅阿姨最大,但條褲嘅長度,就以佢最短,僅僅遮住 pat pat!

包上露下 涼快一半

51歲打到嚟!羅霖凍齡有法,影寫真拍三級片,聽講仲有個細超過 10年嘅內地富商 J君男友,堅過好多後生女。

又夠鐘去銅鑼灣利園巡鋪,至愛 Chanel嘅羅阿姨, Juicy Couture牛仔褸超短牛仔褲襯齊一套,青春到呢!睇袋試袋大半粒鐘,搞掂先搵番囝囝同工人姐姐!

名牌包包就好似維他命咁,定時定候就要啪!久不久就去 Chanel入貨嘅羅霖,試袋左照右照。

羅阿姨吸引力強,美少女同貴婦都眼甘甘勁留意佢買乜。

羅霖怕熱,叫 7歲細仔 Jonathan出去睇吓車到未。

羅阿姨當日拎住個 Fendi嘅 Dotcom,齋袋價$18,900,另加鑽石帶$8,700,合計$27,600。

Juicy Couture花花牛仔褸牛仔短褲襯紅袋紅鞋, young到呢!

五張 keep到咁嘅身形,羅霖真係有啲計。

百分百 C9

離開無綫轉行搞生意嘅陳爽,時間自己嘅,得閒就同班大台好姊妹出埠度假,他他條條!

早個禮拜,陳爽同老公抱住個仔拖埋隻狗,一家幾口去淺水灣玩水,星期三嚟㗎喎,梁師奶就話啫,梁生都唔使 do!

要湊 B又要放狗,陳爽 T恤短褲踢拖,標準 C9打扮。雖然做咗阿豬媽,但平時見 33歲陳爽晒比堅尼同陽光玩遊戲個 look,仲係好 OK㗎!

陳爽老公做金融,閒日星期三都可以偷到時間,一家大細去海灘, hea到五點幾收太陽,先行返去淺水灣廣場攞車。

07年華姐季軍入行嘅陳爽,做咗媽咪一樣胸湧。

回巢拍完《衝上雲霄 2》後,陳爽再次離開大台,轉行自己搞生意。

湊放學 晒象腳

比起生咗三個嘅羅霖,得一粒女嘅莫可欣,完全係一發不可收拾。

老公方中信喺內地撈得掂,唔使拋頭露面,莫可欣寧願俾心機湊女,有時間仲搞埋慈善,例如平價遊學團,等啲低收入家庭小朋友,都有機會出去見吓世面。

大條道理唔 keep,雙腿十二分粗碌嘅莫可欣,三點下午茶時間接完個女放學,跟手揸車去西貢買埋嘢先返屋企。

只做好媽媽,其他,話之你

莫可欣本身已經高頭大馬,生完囡囡符迦晴後,更加冇再瘦過。

接放學時間,撞口撞面都識,莫可欣同前面個外籍 C9邊行邊傾。

安排好囡囡坐定後,莫可欣先拎埋個書包坐上司機位。

同方中信拍拖十二年先奉女成婚嘅莫可欣, 03年曾經做過瘦身代言,當時身形 fit到漏。

撰文:八珍


鍾意就快D Share啦!