港姐冠軍麥明詩（Louisa）現時正於巴西為無綫採訪奧運情況，距離2016巴西里約熱內盧奧運開幕還有三天時間（香港時間8月6日早上），麥明詩現亦開始四周進行採訪，更看過開幕禮綵排。
雞同鴨講
由於經驗尚淺，故Louisa不時要請教身邊有經驗的同行工作人員，希望節目正式出街時不會因緊張而影響表現。Louisa接受《東網》獨家專訪時，坦言當地巴西人說的是葡萄牙文，而她只懂說英文及普通話，故溝通時有點雞同鴨講，就連買東西都要夾雜手語，才能成功。
採訪中國單車伯伯
Louisa謂：「我哋今日去咗馬拉卡納（MARACANA）體育館嗰邊，因為今日進行開幕禮綵排，我哋去睇咗一次，開幕禮當日我要同韓毓霞喺現場做採訪，拍攝隊都要入去睇機位。期間，我哋遇到一個四海為家嘅中國伯伯，佢好鍾意奧林匹克精神，就係咁騎住架三輪車周圍宣揚和平、環保，佢由美國踩單車嚟到巴西，足足踩咗四個幾月，我都有同佢做訪問，仲借咗佢架單車嚟踩。」
做足準備
問到要做直播評述會否感壓力大時，Louisa坦言：「因為直播時間方面要拿捏得好準，隨時要作好準備，又要同香港錄影廠方面配合，一邊睇住部CAM一邊聽導演指示，又要答問題，所以都有啲緊張，要記得好多資料，又要對運動員啲資料有認識，特別係香港隊之前有機會採訪劍擊隊，啲運動員都陸續到咗。依家自己都要睇番2008年同2012奧運開幕，做定功課，自己都有請教有經驗嘅同事。」
場館多機關
此外，談到之前奧運村設施出現不少問題，問到Louisa巴西治安及村內情況時，她表示暫時自己還沒遇到太大問題，主要要場館內「機關」，她謂：「樓梯可能會忽然有舊石屎喺度，好多嘢都冇執好，所以要比較留神。我住嘅傳媒村，都有啲電線跌落嚟，都會提自己要小心啲。傳媒村離奧林匹克公園足足四十分鐘車程，都好遠，而且我哋朝早零六就要出發採訪，所以都要爭取時間好好休息。不過呢度啲人都好Friendly，只不過佢哋唔係好識講英文，連買嘢食都有困難，就算攞支水佢哋都唔知我講乜，所以要好好運用身體語言同Google翻譯。」
|
鍾意就快D Share啦！
|
|
|