2016年8月10日 星期三

身世坎坷 林穎彤爆喊感激媽媽養育之恩 __,林穎彤,

唔好睇林穎彤成日笑,原來佢身世係咁坎坷嘅…23歲無綫小花林穎彤(Bella)最近憑劇集《城寨英雄》的慘爆孖辮妹角色「鑫鑫」人氣急升,榮升宅男女神,前晚「鑫鑫」慘被輪姦至死,令萬千網民喊爆兼心都痛埋,之後《城》劇雖然沒有Bella的演出,但短短七集戲份已成功令觀眾銘記在心,上位在望!其實Bella十歲時已是童星,曾拍攝亞視劇《萬家燈火》,巧合是當年造型也是孖辮妹,而她在無綫亦已有六年時間,多數擔任節 ...


唔好睇林穎彤成日笑,原來佢身世係咁坎坷嘅…

23歲無綫小花林穎彤(Bella)最近憑劇集《城寨英雄》的慘爆孖辮妹角色「鑫鑫」人氣急升,榮升宅男女神,前晚「鑫鑫」慘被輪姦至死,令萬千網民喊爆兼心都痛埋,之後《城》劇雖然沒有Bella的演出,但短短七集戲份已成功令觀眾銘記在心,上位在望!其實Bella十歲時已是童星,曾拍攝亞視劇《萬家燈火》,巧合是當年造型也是孖辮妹,而她在無綫亦已有六年時間,多數擔任節目主持,有「大面Bella」的花名,眼大大予人感覺開朗可愛,到今次終憑《城》劇引起網友注意。

曾陪母親行乞

Bella近日被起底出身自單親家庭,一歲多時窮到曾陪母親行乞,原來身世非常坎坷!一直在葵興區成長的Bella接受《東網》專訪,帶觀眾重遊成長舊地,包括港鐵站外的小食檔、兒時曾贏得歌唱比賽冠軍的葵青劇院,而商場附近的公園是她與母親經常遊玩的地點,她亦曾在這處拒絕男仔……每踏足一個地方,都令她勾起難忘回憶。而專訪當日有不少街坊向Bella並要求合照,Fans包括婆婆、家長及小朋友,可見她冧盡老中青三代!

身世被揭趁機會多謝媽咪

對於身世被揭,Bella看得甚開,直言沒有刻意避談,反而想趁機會多謝媽咪,她說:「每個媽媽都會用盡方法想子女快樂成長,呢啲唔係唔光彩嘅事,唔會刻意去避,依家我大個,都想媽咪享福,我會努力做嘢養番佢!佢一直支持我做演員,成日有睇我演出,我知佢都好開心。」Bella直言家境困難,但當自己遇到挫折,母親仍盡力給予正面鼓勵。講到母親的偉大,Bella終於忍不住流出兩行眼淚,她哽咽地說:「媽咪咁難捱都捱過,我嗰啲算係咩?我本身喺屋企係收收埋埋,但我心入面好錫佢,我知佢都知嘅!(有冇啲感人時刻?)媽媽由細到大都好保護我,好多片段都好深刻。媽咪好少扮靚,佢慳自己果份,留最好嘅嘢畀我,我自己都好少扭計話要買嘢,可能大家見我細個嘅相,我打扮得咁光鮮,似係(家境)OK呀,但其實唔係,記得有次我扮到好靚參加歌唱比賽,啲人問佢係咪我工人姐姐,諗番係好心痛亦好感動,知道媽咪為我犧牲好多!」

服裝:Stunning Sgirls


來源 source: http://hk.on.cc
鍾意就快D Share啦!
Related Posts Plugin for WordPress, Blogger...