2016年8月10日 星期三

【華少前女友】06年遇嚴重車禍 梁珮玲堅拒復出:想為神做多啲 __,

87年,即29年前,讀完中五嘅梁藝齡(前名梁珮玲),被星探發掘拍攝旅行社廣告,然後再報名參加無綫舉辦嘅《超級新星大賽》,佢啲朋友都落選,唯獨佢就攞咗「女超級新星」嘅冠軍,與男超級新星冠軍彭文堅齊齊獲金牌監製李添勝青睞,拍攝劇集《書劍恩仇錄》。結果該劇甫推出,梁珮玲與彭文堅已經「萬箭穿心」,俾觀眾痛批兩人演技生硬,反而翠羽黃衫羅慧娟就令人驚喜。當年觀眾一劇定生死——拎兩個新人同鄭少秋余安安相提並論, ...




其他影片:>>






87年,即29年前,讀完中五嘅梁藝齡(前名梁珮玲),被星探發掘拍攝旅行社廣告,然後再報名參加無綫舉辦嘅《超級新星大賽》,佢啲朋友都落選,唯獨佢就攞咗「女超級新星」嘅冠軍,與男超級新星冠軍彭文堅齊齊獲金牌監製李添勝青睞,拍攝劇集《書劍恩仇錄》。結果該劇甫推出,梁珮玲與彭文堅已經「萬箭穿心」,俾觀眾痛批兩人演技生硬,反而翠羽黃衫羅慧娟就令人驚喜。當年觀眾一劇定生死——拎兩個新人同鄭少秋余安安相提並論,未免苛求。備受力捧嘅梁珮玲同羅慧娟一劇接一劇,演技越見純熟,及後梁珮玲進軍影圈,成杜琪峯愛將,更曾傳出緋聞。99年她憑《真心英雄》一片獲金像獎最佳女主角提名,惟未幾便退出娛圈,專心基督教侍奉工作,又改名梁藝齡,淡出幕前。《蘋果》致電梁珮玲,問及其腳患及近況,佢多次表明自己已經唔係娛樂圈藝人,所以唔使訪問同報道佢。佢就話:「我冇做artist好耐喇,唔需要報道」之前她為影音使團工作,現在是否一樣?佢稱:「唔係,我依家轉咗機構啦。啱啱返咗幾日工,都係基督教機構。」至於感情生活,佢都係嗰句:「唔使訪問我啦,唔該晒。」問佢仲有冇戲癮,以及提到當年同佢差不多時間出道嘅邵仲衡近年都有復出拍嘢時,佢就笑住話:「唔緊要啦,我依家自己想為神做多啲嘢,侍奉先啦。」

右圖讀者汪小姐提供 梁珮玲在無綫電視電影《霓虹姊妹花》續集與黎明做男女主角。
87年《書劍》 《孤男寡女》,華少的舊愛。
《真心英雄》 左起:李婉華、梁珮玲、羅慧娟當時均是大台力捧花旦,各有所長,形象入屋,為監製所喜用。
已退出娛圈、改名梁藝齡,專心侍奉神,外表完全沒變。 2011年接受新城訪問,一頭長曲髮仍是其標誌。 《笑傲江湖》任盈盈
93年劇集《射鵰英雄傳之九陰真經》,與姜大衛分別飾演黃藥師與妻子馮蘅。

鍾意就快D Share啦!
Related Posts Plugin for WordPress, Blogger...