網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月16日 星期二

【閃盲網友】陳智燊孖素顏宋熙年玩化妝 __,宋熙年,陳智燊,

真係隔住個Mon都畀佢哋冧暈呀…!眾所周知無綫「高富帥」男神陳智燊(Jason)一早已經畀宋熙年(Sarah)封咗盤,兩人自從宣布婚訊後就愈愛愈高調,仲要不停放閃,似乎要爭做圈中模範夫婦!早前佢哋仲一齊開咗個叫「sarah&jason」嘅YouTubeChannel,開始Share佢哋平時嘅生活片段,好似有手拖手買餸玩煮飯仔,得閒食吓嘢同HappyHour吓咁,真係分分鐘都閃到一大班單身人士要自己 ...


真係隔住個Mon都畀佢哋冧暈呀…!

眾所周知無綫「高富帥」男神陳智燊(Jason)一早已經畀宋熙年(Sarah)封咗盤,兩人自從宣布婚訊後就愈愛愈高調,仲要不停放閃,似乎要爭做圈中模範夫婦!早前佢哋仲一齊開咗個叫「sarah & jason」嘅YouTube Channel,開始Share佢哋平時嘅生活片段,好似有手拖手買餸玩煮飯仔,得閒食吓嘢同Happy Hour吓咁,真係分分鐘都閃到一大班單身人士要自己望住塊鏡匿埋喺房喊㗎陰功!

溫馨爆燈冧到暈

不過好嘢就梗係要繼續同人分享,而且眼見個YouTube Channel愈來愈受歡迎,佢哋兩個亦一於少理單身一族嘅抗議,繼續閃閃閃!呢日佢哋就上載咗一段Jason幫Sarah化妝嘅片,睇見佢哋兩個一路化,一路望住對方傻笑,完全沉醉喺佢哋兩個人嘅世界。Jason幫Sarah畫眼線嗰時仲手都震埋,溫馨程度真係爆晒燈,完全隔住個Mon都畀佢冧暈!雖然放閃放到咁,不過網民冇投訴,戴住太陽眼鏡睇都要照睇,條片出咗短短一日時間已經有7,000幾個點擊,仲有大批網民開金口留言,評價一致讚好,睇嚟「陳宋」帶旺唔少觀眾緣啵!而佢哋兩個亦都好識做,會親自回答網友嘅留言,好似有網友讚Jason化得叻嗰陣,Jason就搞笑留言話:「化得唔好我會有生命危險㗎!」

另外,唔少網民亦留言大讚Sarah素顏都咁靚,皮膚又好,不愧為華姐冠軍,仲讚埋Jason識揀:「Jason好眼光,好多女人妝前妝後兩個樣,簡直係騙案!」

網民有話兒:

Nick Nxxx:Jason 化得好好!不過重點係Sarah皮膚很好,唔化都咁靚,Jason好眼光,好多女人妝前妝後兩個樣,簡直係騙案

j0eychexxx:男人來講唔係化妝師,可以化到咁都算唔錯,睇到你地(哋)咁樣覺得好sweet

sarah 0xxx:男人老狗已經化得好好。不過。。。Jason個頭cool(箍)比較吸睛啲,不如下次每人煮返(番)味餸呀

Tszyan Yexxx:Jason個look十足專業化妝師,點解素顏都咁靚嫁

jessixxx:睇完Jason畫眼線feel到佢手都震埋




來源 source: http://hk.on.cc
鍾意就快D Share啦!