30幾度高溫，陳凱琳一身盔甲，追殺蕭正楠。
娛樂偵訊
追殺蕭正楠 陳凱琳吓吓中
繼出街中的《巨輪 II》後，大台再安排被熱捧的陳凱琳夥拍蕭正楠合作，早前二人為古裝新劇《翻生武林》到野外埋位，飾演錦衣衞嘅陳凱琳， 30幾度高溫下，著住盔甲拍追殺蕭正楠戲份，大熱天時包到冚打餐飽，就連蕭正楠都頂唔順，搞到急性皮膚炎，陰公！
唔識借位
冬天拍夏天戲，又或盛暑拍古裝，都是演員大懲罰。
早前，一身囚犯造型、化了一個受傷妝的蕭正楠，連同新戲《翻生武林》戲組，到西貢山邊拍攝一場被陳凱琳追殺的戲份。現場所見，飾演錦衣衞的陳凱琳，在卅幾度高溫下追住蕭正楠狂斬，本來導演想以借位的方式拍攝，但陳凱琳卻無法掌握好借位角度，以致多次用道具劍擊中拍檔面部及身體，令不幸中招的蕭正楠，忍唔住嗌救命！
吓吓被陳凱琳的無情力擊中，但蕭正楠好有風度，還不時細心指導陳凱琳如何睇位，務求自保不再「中招」！
大熱天時，大家著到隻糉咁打餐飽，辛苦到爆！所以一停機，二人立刻走到陰涼地方避開太陽。
「佢哋著咁多衫，郁幾下就成身濕晒！ Edwin（蕭正楠）話熱到底褲都濕埋！不過佢好好，就算辛苦，都唔會黑晒面，半句怨言都冇，好有演員道德。」劇組工作人員說。
生晒水泡
熱天拍古裝真係唔講得笑！劇組之前已經有六個臨時演員熱到中暑，要叫白車送入院，就連男主角蕭正楠，亦因為出汗又焗住，加上被蟲叮，皮膚生晒水泡。
「醫生話 Edwin係急性皮膚炎，但冇計，要頂硬上；因為每套劇由開拍到出街，起碼半年，所以好多時夏天要著冬天大褸拍劇，冬天就著泳衣拍落水戲，為咗遷就出街時間，咁多年都冇變過，演員賺嘅，一樣係辛苦錢。」劇組工作人員說。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|