網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月8日 星期四

《點五步》林耀聲窮到日使四蚊 光酥餅當三餐 [壹週刊 - 1383] __,林耀聲,M1,

娛樂偵訊《點五步》林耀聲窮到日使四蚊 光酥餅當三餐屋邨仔娛圈追夢,唔止吳業坤。近日在真人真事作為藍本的熱血電影《點五步》中,憑陽光味彈出的「基界男神」林耀聲,屋邨長大,在娛圈十年,直至今年在ViuTV劇《瑪嘉烈與大衞》飾演少年林保怡,才嶄露頭角。為咗個人夢想,27歲的林耀聲可以去到好盡!12年,當所有人都攞住部幾千蚊的智能手機,他每日使四蚊,三餐靠啃光酥餅填肚。比起做隻棋,日日燒賣當正餐的坤哥,林 ...


娛樂偵訊

《點五步》林耀聲窮到日使四蚊 光酥餅當三餐

屋邨仔娛圈追夢,唔止吳業坤。

近日在真人真事作為藍本的熱血電影《點五步》中,憑陽光味彈出的「基界男神」林耀聲,屋邨長大,在娛圈十年,直至今年在 ViuTV劇《瑪嘉烈與大衞》飾演少年林保怡,才嶄露頭角。

為咗個人夢想, 27歲的林耀聲可以去到好盡! 12年,當所有人都攞住部幾千蚊的智能手機,他每日使四蚊,三餐靠啃光酥餅填肚。

比起做隻棋,日日燒賣當正餐的坤哥,林耀聲更加熱血。

做過地盤裝修

《點五步》故事環繞一班屋邨仔,現實生活中,跟父母同住百呎屯門公屋的主角林耀聲,是活生生的例子。當年十七歲的他,因為靚仔和好腳法,在球場被導演麥曦茵發掘,從此,將一個唔係踢波,就匿埋屋企打機,毫無目標唔知何謂夢想的屋邨仔生命改寫。

雖然處男作《烈日當空》冇令林耀聲一舉成名,但他已立定志向走下去,唔再日日等運到;入行頭四年,為生活打過三十份散工,跟車工人、裝修、侍應、地盤、髮型屋、壽司店學徒等等,稱得上娛圈散工王。

「因為冇一份工,可以容許你成日請假去拍戲,所以惟有撈散,有戲開就辭工。屋企人都有詐型,話唔明我點解唔搵份正常工做,但對於我嚟講,搵到錢唔等於成功。」林耀聲說。

陽光氣加健碩 body,又頻演 hehe角色,令林耀聲被封為「基界男神」。

混合體

留鬚林耀聲真係有幾分似張震,另一角度又似吳彥祖。

學校門口賣唱被趕

回到一二年,當食個常餐都要廿八蚊的日子,林耀聲每日只可以用四蚊。

「係就做全職演員,但冇乜收入,全副身家可以得百幾蚊。當時我喺屋企附近搵到份跟車散工,每日行路返工,用四蚊去街市買個光酥餅當三餐。(點解係餅?)貪佢夠大塊囉,食完飲埋水好飽肚。

「跟車同事見我咁,都有主動請我食過幾餐飯,一直頂到出第一個月糧,先唔使再食光酥餅當飯。屋企人唔知,因為我冇錢俾家用,唔夠膽問屋企人攞錢。其實都有問過自己,點解要咁辛苦,想過放棄;不過一諗到如果放棄,就要推翻晒之前嘅堅持,咁就更加唔抵。」

死心不息的林耀聲幾年前曾與公司幾個男仔組隊為 PlayTime唱歌,四個人一齊住在麥曦茵出錢租的 studio。

「我哋試過喺網上籌出碟經費,四個人走去學校門口唱歌派宣傳單張,希望俾人知道我哋係一隊有夢想嘅組合,當然,俾人趕走呢類情況經常發生啦。」

捱吓捱吓就十年,過幾年就三張的林耀聲,儲埋啖火,終於等到機會爆

《點五步》的成功,是台前幕後的熱血同心機。

數年前他跟公司旗下 model組男子組合「 PlayTime」,但難以經營。

對女友張沛樂參加 Viu選美及被冠以「 J界女神」稱號,林耀聲話戥佢開心。

片中另一男主角胡子彤,是真正棒球手,在處男作表現相當突出。

仙氣逼人

除林耀聲彈出,《點五步》女配角,飾演屋邨女神的 20歲王思敏( Sadie)亦好養眼。三年前她考完 DSE,在校外被邀試鏡,在處女作《點五步》仙氣逼人。家境曾是中上的她,經歷爸爸生意失敗後,一家屈住百呎唐樓,家庭巨變反而造就 Sadie的感情演繹。

撰文、攝影、攝錄:娛樂組

場地提供:食民營/ ISLAND CAFE


鍾意就快D Share啦!