網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月8日 星期四

【動畫●獨家】結婚未夠一個月被趕出家門 劉明軒爆前夫:一年趕我三次出街 __,劉明軒,

【短片】【動畫●獨家】結婚未夠一個月被趕出家門劉明軒爆前夫:一年趕我三次出街2016-09-0800:03:00HKT王傲山同劉明軒拍拖一年,結婚一年就離婚,快嚟快去!劉明軒直言結婚嗰張紙,如果再簽多個名,就等同一張廢紙。劉明軒透露同王傲山拍拖嗰陣,男方對佢好好,不過婚後嘅轉變,等同天堂同地獄嘅落差。今年5月,王傲山同當時懷孕4個幾月嘅圈外女友Janny喺布吉結婚。前日王傲山仲喺fb,擺咗佢同啱啱 ...


【短片】【動畫●獨家】結婚未夠一個月被趕出家門 劉明軒爆前夫:一年趕我三次出街

2016-09-08 00:03:00 HKT



王傲山同劉明軒拍拖一年,結婚一年就離婚,快嚟快去!



劉明軒直言結婚嗰張紙,如果再簽多個名,就等同一張廢紙。



劉明軒透露同王傲山拍拖嗰陣,男方對佢好好,不過婚後嘅轉變,等同天堂同地獄嘅落差。





今年5月,王傲山同當時懷孕4個幾月嘅圈外女友Janny喺布吉結婚。



前日王傲山仲喺fb,擺咗佢同啱啱生完B嘅Janny,瞓喺病牀嘅相。



自爆俾前夫3次趕出街嘅劉明軒,話離咗婚嘅生活好過結婚嗰陣好多。



王傲山同舊愛李彩華,都係再見不是朋友!

劉明軒(Vivian)同王傲山12年撻着,13年初閃婚,但婚姻僅維持一年,便宣布離婚。至於離婚原因,二人由始至終都冇講過,只係簡略交代性格不合。

今次訪問,Vivian 最初亦不欲多談,只係話現時單身嘅生活,比起同前夫短短一年嘅婚姻,開心得多,經記者再三追問,Vivian先肯講:「嗰一年裏面,我俾佢趕出門口三次!第一次,係我同佢結婚未夠一個月,嗰日係年初四,佢約咗同事返嚟拜年,由朝早到晏晝先完。到下晝5點幾6點,佢突然話要打牌,約佢啲朋友上嚟屋企,我話有啲攰,同佢講唔好,可能佢覺得我逆佢意啦,當時佢對住所有同事面前大聲鬧我『係咪o依家唔帶得朋友上嚟呀?』當時我都打個突,問佢可唔可以冷靜啲,嗰班同事都唔好意思走咗!」

「嗰晚佢都有啲脾氣走咗出街,咁我都算啦,仲諗大家冷靜吓都好。到第二朝清晨5點,我已經熟睡咗,佢就攞盞牀頭燈照住我,照到我醒為止,跟住佢話『我未嬲完,要繼續同你鬧!』我魂魄都未返嚟,挨住幅牆諗住繼續瞓,佢就繼續鬧,跟住就趕我出門口。我拖住三個篋,唔敢同屋企人講,去咗酒店walk-in ,大概住咗一個禮拜酒店!」

「我之後有返屋企,媽咪見到我,覺得唔對路,我一味喊,媽咪就話『仲乜咁慘呀,阿女,屋企永遠有個位置俾你,你唔好喺出面住』媽咪咁講,我仲喊到收唔到聲。我返咗屋企住咗一排,之後佢(王傲山)態度有軟化,點知隔咗幾個月,佢又為咗啲小事,叫我執嘢走,今次係第二次!佢鬧親我,會雙眼通紅指住我,逼我埋牆,Be fair,佢冇掂到我,但都嚇到好驚!」

「第一次時,媽咪爹哋有勸我,叫我唔好咁硬頸,第二次佢再趕我出街,父母就覺得好有問題,叫我考慮清楚,一個咁唔尊重你,咁唔尊重婚姻嘅人,係咪要繼續落去呢?況且佢有啲個人行為,我係接受唔到,所以中段我有諗過離婚,但最後冇實行過!」

「到第三次,我已經俾佢趕咗出屋企,有日諗住返去同佢傾吓,返到去見到好多紙箱放喺地下,我問工人姐姐,佢話阿sir已經飛咗啦,個幾禮拜返嚟,佢叫工人姐姐pack定啲嘢,返嚟就搬,不過唔係同我一齊搬,當時我哋仲未離婚!」

講到前夫同現任老婆好sweet,Vivian笑咗笑話:「佢對我未sweet過咩?不過有啲嘢日久見人心,路遙知馬力!」


鍾意就快D Share啦!