政府大幅縮小元朗橫洲發展規模，被質疑是因為涉及鄉事人物的利益而「跪低」。雖然政府堅稱文件無提及第二、三期發展並不等於不會做，上水區鄉事委員會主席侯志強就稱會「睜大雙眼、刮目以待」看政府會如何落實承諾，又指自己「無錢、無地、得棚骨，仲有咩好驚？」至於會否支持立法會引用權力及特權法調查事件，他稱「我又唔係立法會議員，雖然我都好關心，作為香港市民一份子，呢啲嘢交俾立法會議員處理。」侯志強出席完鄉議局國慶酒會後，被問到特首梁振英日前就橫洲發展開記招解畫表現如何，他笑著反問「有一句英文叫Choking my air（chok住道氣）你知唔知點解？」，但拒絕再作解釋，有記者接著問他英文問題，侯志強就笑指「唔好講英文，我得一句咁多架咋！」他又反駁政府「搵地難」的說法，稱「香港大把地，駛乜去搵吖，如果無，我帶你去睇」。他認為香港80%土地位處新界，政府「要發展嚟新界做諮詢係好正常嘅事，但希望政府不要再用「摸底」這種「美麗詞語」，應改稱為「初步諮詢」，又指「摸底」一詞「係對男朋友、女朋友講嘅！」。候任立法會議員朱凱廸質疑橫洲發展涉及「官商鄉黑」勾結，侯反指「係官民合作，鄉紳同政府一路都好融洽去研究香港點樣發展，我哋睇到香港整個社會嘅規劃，做得整整有條，依家唔錯吖！係咪？點會無得合作呢？」至於今次政府有否優待在橫洲棕土上經營露天停車場的屏山鄉委會主席曾樹和，侯就稱自己並非橫洲村民、亦無參與會議，「梗係唔覺啦，覺就益埋我啦。」他又反駁有輿論稱「香港土地大家有份」的說法，「香港土地係大家嘅？唔係呀嘛？有業權、有持份者，你買咗就你嘅，我買咗就我嘅，點會係大家？講呢啲嘢、呢啲人唔識就問我哋！」
|
鍾意就快D Share啦！
|
|
|
