熱爆娛樂: 【全世界男人都犯嘅錯】張致恒性上癮要睇醫生家姐張詠恩勸戒女色 _

2016年9月23日星期五

【全世界男人都犯嘅錯】張致恒性上癮要睇醫生家姐張詠恩勸戒女色 __,張致恒,詠恩,

噚晚除咗有Coffee同一班女星之外，原來大會仲有個焦點人物－－張致恒（Steven）嘅PR家姐張詠恩（Jan）。Jan話今日有緊貼關注Steven嘅新聞，對Steven舊愛莊端兒今日開記招都表示關心，今次算係對細佬嘅一個教訓。之前Steven自稱性上癮，仲話要睇醫生，家姐又知唔知情？Jan表示：「好多男士都有把持唔住嘅時候，佢應該係貪玩多啲。」Jan最初仲以為係誤會，要由記者話番俾佢知係Steven親口承認有病，Jan先再提議Steven戒色一段時間，同做多啲運動發泄。Jan話本身同莊端兒係好朋友，一直都知對方結過婚：「其實細佬都知，一直都冇隱瞞。對方（莊端兒）一直都係我認識好好嘅女仔。」莊端兒今日晏晝開記招，交代佢同前經理人諸葛紫岐再無合作關係，Jan話做嘢梗有開心唔開心，但身份尷尬兩人對呢個話題冇傾得太深入。

Steven之前表示性上癮要睇醫生，呢輪就做多咗運動。	Steven前女友莊端兒今日喺記招同諸葛紫岐劃清界線。	Jan同莊端兒本身係好好朋友，但冇同莊端兒講太多工作嘅事。(攝影：仇志德)
今日一班女仔喺The One示範瑜伽。