袁詠儀咁樣選擇性兼「針對式」爆粗，張智霖（小圖）唔知鍾意定唔鍾意呢？
藝人袁詠儀（靚靚）以黑色喱士裙出席活動，笑言工作時會想打扮得漂亮一點，平日就會讓自己作最舒服的打扮，她笑說：「我覺得自己素顏都OK，最近做個真人騷要化妝，我都覺得好多嘢撻喺塊面咁。（老公張智霖鍾意你化妝定素顏？）老公最鍾意我唔化妝，有時畫咗條眼線，都即刻叫我抹咗佢，我個仔都唔鍾意，佢幾大男人，依家已經話第日女朋友或者老婆唔可以性感。」
爆當年選港姐有人出術
談到有前港姐爆黑幕，靚靚強調自己參選的那一屆沒有黑幕：「唔可以話係黑幕，係一啲計仔，依家諗番都係回憶，但我唔會開名。以前我哋唔識擺甫士，保母教我哋，第日有佳麗攞咗成疊書嚟畀大家參考，我哋覺得佢好好，到選友誼小姐時，保母同我哋講，記住唔好睇表面，應該選邊個用心同你哋做朋友嘅，最後友誼小姐係翁杏蘭。」
講粗口係香港傳統文化
問今屆港姐冠軍馮盈盈被揭選前講粗口？向來率直的靚靚笑說：「粗口係香港傳統文化，我唔可以話畀你聽我唔講粗口，但我會喺適合嘅場合講。基本上我只係會對住我老公講，關埋房門講就好。佢話我講粗口嘅口音好似廣州人，有時講粗口都係一種情趣，咁如果要履行香港小姐嘅責任，就唔好喺代表香港出去時講囉，要講關埋房門先講。」
來源 source: http://hk.on.cc
|
鍾意就快D Share啦！
|
|
|
