2016年9月23日 星期五

【獨家有片】婚前唔准曳曳 Anjaylia 同闊少銅記擦麵摸面珠 __,Anjaylia,陳嘉寶,

今年26歲、人稱「邦民女」嘅陳嘉寶(Anjaylia)當年喺廣告嗰個齊蔭頭兼好pure嘅樣,真係俘虜咗唔少宅男嘅心,但係呢個宅男女神喺舊年自爆搵到初戀,喺教會認識咗家底有番咁上下,家族至少擁有7個物業嘅闊少黃頌祈(EpaphrasWong)。雖然Anjaylia話佢同男友都係虔誠基督徒,所以只會做正常情侶拍拖嘅動作,即係拖手同錫錫,唔會婚前性行為,不過呢啲嘢都冇影響,佢哋依然好Sweet咁周圍去拍 ...




其他影片:>>






今年26歲、人稱「邦民女」嘅陳嘉寶(Anjaylia)當年喺廣告嗰個齊蔭頭兼好pure嘅樣,真係俘虜咗唔少宅男嘅心,但係呢個宅男女神喺舊年自爆搵到初戀,喺教會認識咗家底有番咁上下,家族至少擁有7個物業嘅闊少黃頌祈(Epaphras Wong)。雖然Anjaylia話佢同男友都係虔誠基督徒,所以只會做正常情侶拍拖嘅動作,即係拖手同錫錫,唔會婚前性行為,不過呢啲嘢都冇影響,佢哋依然好Sweet咁周圍去拍拖,越愛越高調,之後仲有傳佢哋喺同一屋簷下生活添!啱啱喺工作方面回復自由身嘅Anjaylia,之前話希望揀一間可以幫佢喺演戲方面發展嘅經理人公司,o依家唔心急去搵,唔知係咪無約一身輕,好多嘢可以自己話事,所以佢o依家自己接job之餘,仲可以分配好時間拍拖。前日有讀者黃先生,透過「爆相爆片」向本報直擊Anjaylia同闊少Epaphras拍拖食麵。雖然Epaphras家底豐厚,但係佢哋拍拖嘅生活都好貼地,唔算太浮誇,好似之前都俾本報影過佢哋拍拖坐叮叮。黃先生話當日傍晚接近7點左右,喺銅鑼灣糖街嗰間榮記粉麵,見到Anjaylia同男友撐枱腳,嗰陣佢哋揀咗個角落位食麵,見到佢哋好sweet咁摸吓對方塊面同頸,仲不時咁互相對望。之不過話晒慢慢到晚市時間,人流梗係慢慢咁增多,所以佢哋食到咁上下,有兩個女人搭枱,所以黃先生話佢哋明顯避忌,冇做更出位嘅舉動!

(相片由讀者黃先生提供) 唔好以為Anjay唔開心,其實佢都係等緊個麵啫(相片由讀者黃先生提供) (相片由讀者黃先生提供)
好情深款款(相片由讀者黃先生提供) 摸晒面咁好sweet呀!(相片由讀者黃先生提供) (相片由讀者黃先生提供)
有人搭枱就乖乖食麵(相片由讀者黃先生提供) Anjay同男友真係好sweet

鍾意就快D Share啦!