咁突然？！
前中國小姐趙哲妤（Uny）於尖沙咀出席活動，穿上貼身背心裙現身，見她忽然凸肚，記者問是否要恭喜她？她表示：「似唔似呀，我都唔識答，好耐都冇唔方便啦，都有半年，因為一路工作緊。（係身體有事？）身體好好，每個月都有Check，適當時侯再講。（另一半唔畀講？）要問清楚佢。」
問到是否與男友有計劃結婚？Uny表示：「從來冇計劃過結婚同有BB，覺得呢啲離我好遠。（男友唔肯結婚？）冇講過呢個問題，自己都好遲先發現。（準備做未婚媽媽？）就算係，結婚時都冇S字身形，之後再安排，加上有工作，嚟緊都要飛，仲煩緊工作點處理。（同男友傾過點照顧BB？）朋友同屋企人都有問，自己由細到大都冇離開屋企，去寄宿學校都係一段好短時間，未知點樣做。（打算自己承擔？）要問男方。」
Uny一直對懷孕一事支吾以對，又表示要問另一半是否可以公布，根據她的講法，現時已懷有六個月身孕！加上Uny於五月時曾表示已與男友分手，再追問到分手一事？Uny突然爆喊，流住兩行眼淚坦承懷孕：「唔知，我依家係單身，冇諗過搵人負責任，我啲朋友4個月就知，自己到呢個時侯先發現，預產期係12底到1月頭，仲諗緊搬唔搬走，屋企裝修緊，屋企人唔信，冇人理。（要生咗B先信你？）到時就會信。」
來源 source: http://hk.on.cc
|
鍾意就快D Share啦！
|
|
|