嘩，都好難有套電影可以集齊晒呢堆演員
歌手李克勤為新歌《一個都不能少》在牛頭角大排檔拍攝MV，找來元華飾演大排檔老闆，惠英紅、劉玉翠、古明華飾演夥記，陳麗雲飾演洗碗，鄭家生飾演黑幫；MV其中一個場口，是講述鄭家生到大排檔搗亂。身為導演的克勤拍攝時十分認真，不時跟小紅姐等人商討拍攝情況，又不時睇Playback。
壓力大到瞓唔着
受訪時講到首次執導，克勤坦言很大壓力：「尋晚冇瞓過，（凌晨）四點幾就起咗身。」他亦謂：「呢個MV啲事前準備功夫所花嘅時間，可能可以拍到7個MV。我同劉偉恆（MV另一導演）開咗一個星期會，因為第一次做導演想有啲唔同，我只會演出一個Shot，做紅姐（惠英紅）個仔。」講到邀請到影后惠英紅、金像獎最佳男配角元華等人演出，問是否出動友情牌？克勤坦言：「當然啦，點請得起？就算依家用人情牌都用咗（要使）幾十萬，個場本身諗住拍兩日，但驚會打風，所以睇吓今日拍唔拍得晒。」
演員不問酬勞
他亦謂很感激惠英紅：「本身淨係搵佢拍打我嘅shot，但同導演傾過之後，兩屆影后，冇理由淨係拍兩個shot，所以叫佢做埋女主角。今日每個演員都冇問過酬勞，都係象徵式收費，如果收足就唔可以成事，今日個啲（卡士）全部有朵：影后、最佳男、女配角，佢哋演技可以彌補我嘅不足。（拍住佢哋會唔會好大壓力？）好大壓力，因為佢哋係唔會有失誤，要幾多分淒涼、委屈、流淚，佢哋都係渾灑自如，係大壓力，但好有快感。（點樣多謝番佢哋？）請食飯，但要佢哋有期先。」他又謂與惠英紅及元華是第一次合作，並特別感謝惠英紅：「佢抽時間幫我，又唔嫌棄我新，好肯跟我嘅做法，希望做出嚟大家滿意。」他亦謂會花四至五日時間為MV做後期。
來源 source: http://hk.on.cc
|
鍾意就快D Share啦！
|
|
|