【短片】【分身有術】陪完洗米嫂賞月 洗米華再飛倫敦陪Mandy追月
2016-09-18 23:34:00 HKT
洗米華之前三番四次搵機會同洗米嫂合體。(資料圖片)
隔兩日又會見到佢向Mandy交人。(資料圖片)
(相片由讀者陳先生提供)
洗米華呢頭同Heidi過中秋，轉頭又飛去倫敦會Mandy。(相片由讀者陳先生提供)
孖住買雪糕。(相片由讀者陳先生提供)
(相片由讀者陳先生提供)
中秋節得一個，「唯一」嘅周焯華(洗米華)太太亦係得一個，但洗米華嘅女人就有兩個，佢今年中秋就揀咗留喺澳門陪屋企人過節，今日洗米嫂喺香港出活動就唔願多提係唔係同洗米華一齊「做節」。 咁Mandy同一對仔女喺倫敦點算？左右逢源係洗米華強項梗難唔到佢啦，據知，佢前晚已飛咗去倫敦搵女友了。今日就有讀者陳先生透過本報「爆相爆片」，提供咗喺倫敦撞到佢哋「合體」嘅拍拖相，佢哋喺倫敦時間17號，夜晚9點半喺蘇豪區、一間叫Tsujiri雪糕店出現。Mandy同洗米華例牌一身黑衣襯波鞋造型嘅情侶裝，相中只見到洗米華側面，而Mandy全程係背面，佢哋買完雪糕，步行到附近商舖行街。
陳先生以英文短訊向本報透露：「佢哋喺櫃台研究咗一陣，就買咗綠茶雪糕食，見到Mandy全程笑笑口同佢研究食咩，佢哋各自買咗一杯雪糕食，不過就唔見佢哋有親密動作。」其實，洗米華同Heidi過完中秋，就即飛嚟倫敦陪Mandy「追月」補數，唔食月餅，拍拖食雪糕都算幾sweet，洗米華真係冧女有計，為咗兩頭家成日遊飛機河往返香港、澳門同倫敦三地。
來源 source: http://hkm.appledaily.com
|
鍾意就快D Share啦！
|
|
|
