2016年10月6日 星期四

劉嘉玲行山 行到飛埋釘 [壹週刊 - 1387] __,劉嘉玲,嘉玲,M1,

同你吟一吟劉嘉玲行山 行到飛埋釘做人做事,投入好緊要。搵錢同玩都咁落力嘅劉嘉玲,近年蒲少咗,酒量亦差咗,有加冇減嘅,反而係運動。有跑步習慣嘅嘉玲,近年多咗味,行山!發哥紅姑,甚至大美人林青霞,都係佢啲行山腳。上個禮拜,嘉玲又出動,路線係港島徑第八段,由石澳土地灣出發,行到去龍脊入口返轉頭,全程用咗大約兩個半鐘;腳步快,中間亦冇停低休息。見到《壹》仔,冇化妝嘅嘉玲戴番副超,仲立即著番外套,事關佢當日 ...


同你吟一吟

劉嘉玲行山 行到飛埋釘

做人做事,投入好緊要。搵錢同玩都咁落力嘅劉嘉玲,近年蒲少咗,酒量亦差咗,有加冇減嘅,反而係運動。

有跑步習慣嘅嘉玲,近年多咗味,行山!發哥紅姑,甚至大美人林青霞,都係佢啲行山腳。上個禮拜,嘉玲又出動,路線係港島徑第八段,由石澳土地灣出發,行到去龍脊入口返轉頭,全程用咗大約兩個半鐘;腳步快,中間亦冇停低休息。見到《壹》仔,冇化妝嘅嘉玲戴番副超,仲立即著番外套,事關佢當日著咗件淺色嘅超貼身快乾衫,出咗身汗,搞到飛釘呀!

舊年因為孖住台灣富商陳泰銘去行山,結果引爆關之琳公開同對方結咗婚甚至離埋婚,前陳太醋味濃,但是日《壹》仔問嘉玲仲會唔會約陳泰銘行山?嘉玲理直氣壯:「吓!陳(泰銘)生今日唔得閒。(會避忌吓?)有咩好避呀?行山之嘛,得閒咪行囉!(咁關之琳呢?)我唔知佢得唔得閒喎!」

見到鏡頭,行到飛晒釘嘅嘉玲立即閃埋一邊,著番件外套。

上好落好,行慣山又熟路嘅嘉玲都一馬當先。

同助手去行山,來回兩個半鐘,冇停低休息過。

《壹》仔舊年影到陳泰銘同劉嘉玲約埋行山,事後關之琳趁在台灣出席活動,自爆正式做過陳太仲離埋婚。

撰文:八珍


鍾意就快D Share啦!
Related Posts Plugin for WordPress, Blogger...