2016年10月6日 星期四

生 B計劃急凍 3個月  Philip氹杏兒咀完又咀 [壹週刊 - 1387] __,杏兒,胡杏兒,M1,

週日杏兒出發去巴黎時裝周,Philip做「跟得老公」同行。娛樂偵訊生B計劃急凍3個月 Philip氹杏兒咀完又咀胡杏兒同老公李承德(Philip)去年拉埋天窗,當時杏兒對住夫家鄉親父老開下三年抱兩的期票。眨吓眼就快一年,杏兒肚皮仲未有聲氣,但最近又被睇中拍住孫儷、陳曉,參與內地劇《那年花開月正圓》。唔想錯失良機,杏兒已同Philip達成共識,將生B大計順延三個月。新劇十月中開工,週一(三日),杏兒 ...


週日杏兒出發去巴黎時裝周, Philip做「跟得老公」同行。

娛樂偵訊

生 B計劃急凍 3個月  Philip氹杏兒咀完又咀

胡杏兒同老公李承德( Philip)去年拉埋天窗,當時杏兒對住夫家鄉親父老開下三年抱兩的期票。眨吓眼就快一年,杏兒肚皮仲未有聲氣,但最近又被睇中拍住孫儷、陳曉,參與內地劇《那年花開月正圓》。唔想錯失良機,杏兒已同 Philip達成共識,將生 B大計順延三個月。

新劇十月中開工,週一(三日),杏兒出發去巴黎工作, Philip做「跟得老公」,兩公婆全程糖黐豆,眾目睽睽下嘴完又嘴, sweet到爆!

打情罵俏

同老婆向來恩愛的 Philip,日前與杏兒疑似在戲院炒完一鑊,之後仲嬲爆爆走埋!不過事後杏兒解釋,只是老公見她病,唔俾她食爆谷,並未有炒大鑊。

週日(十月二日)二人出席完楊怡羅仲謙婚禮後換過一身便服,便啟程去機場。

杏兒夫婦另加三名工作人員,一行五人排隊做登機手續,其間, Phillip突然肉緊地攬住老婆,再錫埋面珠。埋到櫃位,情深對望一輪, Philip又再情不自禁,攬住杏兒再錫一啖。

入到禁區,更加全程黐埋一嚿,二人面貼面卿卿我我,完全冇理會其他人眼望望。

Philip好肉緊,突然攬住杏兒錫面珠。

入閘後繼續糖黐豆, Philip一直搭住杏兒膞頭雞啄唔斷。

二人在 check in櫃位對望冧笑,之後 Philip又主動錫老婆。

兩公婆頭貼頭玩 selfie。

機不可失

離開大台後,杏兒全力北上吸金,最近更有消息指她與孫儷、陳曉等國內一線電視劇卡士合作,她惟有將生 B計劃延期, Philip亦全面配合,支持另一半。

「原本杏兒 plan咗做完舞台劇,十月開始放假專心造人,點知可以拍住孫儷做女二,對杏兒喺內地發展一定有幫助, Philip話生 B幾時都可以,嚟緊杏兒要留响內地三個月,所以趁住要去巴黎做嘢, Philip跟埋去,兩公婆乘機拍吓拖。」胡杏兒身邊人說。

杏兒同 Philip出席楊怡羅仲謙婚禮後,連夜趕到機場出發。

身為李家長子的 Philip,恨生仔恨到出晒口。

新劇《那年花開月正圓》與內地當紅花旦孫儷合作,杏兒同 Philip達成共識,將生 B大計押後。

原本杏兒計劃做完舞台劇《我和春天有個約會》後,就放假全力造人。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...