2016年10月6日 星期四

遊世界 耍太極 搵真銀 五個政壇大佬的退路 [壹週刊 - 1387] __,太極,M1,

馮檢基坦言,雖然自己鍾意搭船,但過往忙碌嘅工作令他甚少搭船過海,「我諗上一次應該係半年前,再上一次應該係幾年前啦。」(莫智謙攝)眾人諸事遊世界 耍太極 搵真銀 五個政壇大佬的退路事先聲明,大家將會睇到嘅,係佬,全部都係佬,仲係全部都退咗落嚟嘅一班政壇大佬。新一屆立法會會期開始咗,一代新人換舊人,咁離開議會嘅資深舊人,有番咁上下年紀,唔使再議事,佢哋會點過日辰?何俊仁離開立法會之後,重執故業,做番全 ...


馮檢基坦言,雖然自己鍾意搭船,但過往忙碌嘅工作令他甚少搭船過海,「我諗上一次應該係半年前,再上一次應該係幾年前啦。」(莫智謙攝)

眾人諸事

遊世界 耍太極 搵真銀 五個政壇大佬的退路

事先聲明,大家將會睇到嘅,係佬,全部都係佬,仲係全部都退咗落嚟嘅一班政壇大佬。新一屆立法會會期開始咗,一代新人換舊人,咁離開議會嘅資深舊人,有番咁上下年紀,唔使再議事,佢哋會點過日辰?

何俊仁離開立法會之後,重執故業,做番全職律師,日日返律師樓做嘢,唔使再兩頭走。(莫智謙攝)

先講民主黨何俊仁,原來佢啱啱先同屋企人坐郵輪去完西班牙巴塞隆拿,仲係佢人生第一次坐郵輪去玩,玩完返香港仲未適應時差。佢休息過後,返回現實做番正職,因為律師樓嘅工作已經接踵而來,再加上仁哥本身係支聯會主席同中國維權律師關注組主席,所以未來要見吓組織成員兼同義工開會,與此同時回歸本行做番全職律師,佢每日有固定工作時間表:「我都係要上庭,要做文件咁樣。」但佢就強調會留番啲私人時間同朋友行吓山,又或者拎番個雪藏咗三十幾年嘅車牌出嚟練車。嘩,大家係咪要小心睇路?

梁家傑下月美國睇紅葉

同樣重操故業嘅仲有公民黨梁家傑,佢係資深大律師,但就喺事業最黃金之時,花最多時間參與政事,喺立法會服務咗十二年,告別議會後,終於會多啲返中環嘅律師樓。除咗工作,仲會抽多啲時間陪家人。傑哥有對孖仔同一個女,佢話下個月會同家人一齊飛美國,探正攻讀環境政策嘅「大孖」,順道觀賞紅葉:「十月會同屋企人放個假,追番啲時間,退落嚟之後想有番多啲自主時間,始終以前成日因為議事日程搞到好忙,冇時間做自己嘢。」

時間多咗,自然靜極思動,想環遊世界,人民力量陳偉業都唔例外,大嚿三個女都喺加拿大溫哥華,佢同老婆就打算十二月飛去當地,兼去黃刀鎮睇極光喎,「下年四、五月可能會去埋西班牙、英國……宣布退休嗰一刻,就係想好好放鬆吓自己,去吓旅行睇多啲書。」雖然係退休,但佢就話抗爭可以繼續預埋佢一份,未來會繼續用市民身份一齊參與。

梁家傑慶幸自己於立法會「後繼有人」,令佢退都退得安心,所以下個月可以放心飛美國探兒子。(梁譽東攝)

大嚿廿年前曾攻讀港大的公共行政博士,惟當年太忙未能完成畢業論文,令佢覺得有點可惜,唔排除退落嚟後,有機會讀番書。(莫智謙攝)

阿基放唔低民協

王國興十多歲時開始接觸太極,更加係楊家太極拳大師姚光嘅八大入室弟子之一。(梁譽東攝)

雖然已經不在其位,但有退休議員就情願保持忙碌,維持自己影響力。工聯會王國興卸任後話忙到行唔開,唔使再趕朝早八點半立法會會議,多出嚟嘅時間佢想經營自己嘅興趣,例如從小就對中國書法同太極着迷,所以考慮緊開班教街坊耍太極同寫書法,唔知係咪由學寫「日以繼夜」開始?而在政事上,佢專注區議會事務外,仲會成立新組織「廿三萬監察」監察立法會。

至於雙失的馮檢基,就同記者去望海散心,冇得再做議員,個心卻仍然放唔低民協事務,近日已忙住開民協內部會議:「要傾吓我哋嘅檢討,點解會輸,輸喺邊啲重要嘅地方、位置。」未來仲話會繼續同民協黨員傾吓無晒議席後,點繼續發揮民協嘅政治能量,希望佢唔會係白忙

689御用律師樓 搞「錯」有前科

梁振英曾經講過,自己當年買間山頂大宅時,搵過兩個律師同一個建築師反覆檢查過樓則,確保大宅無僭建,其中一位律師,就係薛馮鄺岑嘅前合夥人岑文偉(上右圖左一),雖然出咗事,但律師樓照獲梁振英重用,咁嘅客真係難得。

梁振英向《蘋果日報》發律師信話該報社論錯誤、惡毒同惡意地指控佢貪污,阻礙佢行使連任特首嘅權利,實行用另類方式表態參選,亦令大家聽完「真係忍唔住笑」,但原來成件事笑位唔只呢一個。

話說梁振英係透過薛馮鄺岑律師行出信,前後成十三頁紙,律師行事後罕有發聲明,指《蘋果》報導時唔全面,於是公開晒成份聲明內容,但就被發現竟然連梁振英個英文名都串錯,「 Leung Chun Ying」被僭建成「 Leung Chung Ying」,阿梁生你邊位呀?

講到薛馮鄺岑律師行,現時兩個高級合夥人係鄺志強同薛建平,算係梁振英御用律師樓,同 689過去有多次生意來往,近嘅有上次梁振英向《信報》時任特約評論員練乙錚發律師信,而上屆特首選舉期間,梁振英向傳媒同唐英年發律師信,以至西九門研訊,都係「薛馮鄺岑」經手負責。再講遠啲,梁振英山頂間大宅, 689曾經話自己「買樓時請過兩位律師同一位建築師反覆檢查過樓則」,確保大宅無僭建,其中一位律師正正係薛馮鄺岑嘅前合夥人岑文偉,但雖然搞出個大頭佛,梁振英依然相信呢間律師樓,咁嘅客人真係唔知邊度搵

袁國強愛名牌 戴蘋果教主 icon手工眼鏡

人靠衣裝,男士都唔例外,除咗套衫,戴上身嘅其他配襯都可以有花臣,《壹》仔近日就發現,律政司司長袁國強戴嘅眼鏡原來有名堂,係高級手工眼鏡品牌。

Lunor呢款手工眼鏡嚟自德國,設計靈感源自古董眼鏡、顯微鏡同雙筒望遠鏡等,被喻為現代古董,行簡約、復古路線,但同時對細節極之講究兼有要求,就連鏡腳位都唔可以隨便,留有紋路防流汗滑落。唔少名人都鍾情呢隻牌子嘅眼鏡,好似已故蘋果教主 Steve Jobs生前嗰副十年如一日嘅無框眼鏡,就係 Lunor出品,仲有阿旦鄭丹瑞、歌手方大同,都係 Lunor粉絲,但大家戴嘅就唔同款,袁國強嗰副係「 A6 244」,鏡框應該要四千蚊以上先有成交。戴住副咁貴嘅眼鏡,唔知會唔會幫到佢帶眼識人呢?

如果有細心留意,就知袁國強戴緊嘅眼鏡係貴嘢,嚟自德國嘅手工眼鏡品牌 Lunor,連蘋果教主 Steve Jobs都係呢個眼鏡品牌嘅捧場客。(《蘋果日報》圖片)

撰文:巫不言

news@nextdigital.com.hk


鍾意就快D Share啦!
Related Posts Plugin for WordPress, Blogger...